Read Kurmanji Încîl Şîretên Silêman 29 Bible Online

Şîretên Silêman 29 - Kurmanji Încîl bible

Şîretên Silêman 29

¹Mirovê gelek caran tê erzşikandin Û dîsa serhişkiyê dike, Wê ji nişkave bişikê û şifayê nebîne.

²Gava rast zêde bin, gel şa dibe, Lê gava xerab dibin serwer, gel dike axîn.

³Kesê ji şehrezayiyê hez bike, bavê xwe şa dike, Lê kesê li pey fahîşeyan e, hebûna xwe tune dike.

⁴Padîşah bi edaletê welêt xurt dike, Lê mirovê bertîlan, welêt hildiweşîne.

⁵Mirovê şelafiya cîranê xwe dike, Torê davêje ber lingên wî.

⁶Di neheqiya xeraban de dafik heye, Lê kesên rast stranan dibêjin û şa dibin.

⁷Rast heqê belengazan dizane, Lê xerab vê yekê fêm nake.

⁸Tinazkar bajêr tevlihev dikin, Lê şehreza hêrsê kêm dikin.

⁹Gava doza şehreza bi ehmeq re hebe, Hêrs dibe û tinaz dike, rihetî nade.

¹⁰Kesên destbixwîn ji kamilan nefretê dikin, Lê dilrast canê wan diparêzin.

¹¹Bêaqil hemû hêrsa xwe dide der, Lê şehreza hêrsa xwe aş dike.

¹²Heger serwer guhdariya derewan bike, Wê hemû xizmetkarên wî xerab bin.

¹³Zordar û feqîr rastî hev tên, Yê ku ronî dide çavê herduyan, Xudan e.

¹⁴Padîşahê ku belengazan bi edaletê rêve dibe, Textê wî herdem xurt dimîne.

¹⁵Ço û erzşikandin şehrezayiyê tînin, Lê zarokê bi serê xwe tê hiştin, diya xwe dide şermê.

¹⁶Gava xerab zêde bin, neheqî jî zêde dibe, Lê wê rast ketina wan bibînin.

¹⁷Kurê xwe terbiye bike, Wê rihetiyê bide te Û zewqê bide canê te.

¹⁸Gava gotina pêxemberiyê tunebe, gel bêserûber dibe, Lê xwezî bi wî ku şerîetê pêk tîne.

¹⁹Xulam tenê bi gotinan nayê terbiyekirin, Çimkî fêm bike jî guh nadê.

²⁰Kesekî di gotina xwe de dilezîne nas dikî? Hêviya bêaqilan jî, ji hêviya wî zêdetir e.

²¹Kesê ji xortaniyê ve rû bide xulamê xwe, Di dawiyê de wê xerabiyê bibîne.

²²Mirovê hêrs pevçûnê dertîne Û serhildana kesê hêrsok kêm nabe.

²³Pozbilindiya mirov wî nizim dike, Lê nefsbiçûkî rûmetê tîne.

²⁴Kesê para wî bi dizan re heye, dijminê canê xwe ye, Sond bixwe jî gotina xwe nabêje.

²⁵Tirsa mirovan dafik e, Lê kesê bi Xudan ewle ye, di ewlehiyê de ye.

²⁶Kesên dixwazin bikevin çavê serwer gelek in, Lê edaleta mirovan ji Xudan e.

²⁷Neheq ji rastan re kirêt in, Kesên riya rast, ji xeraban re kirêt in.