Read Kurmanji Încîl Şîretên Silêman 9 Bible Online

Şîretên Silêman 9 - Kurmanji Încîl bible

Şîretên Silêman 9

¹Şehrezayiyê mala xwe ava kir, Heft stûnên xwe necirandin.

²Wê heywanên xwe serjê Û şeraba xwe amade kir. Wê sifra xwe danî.

³Wê xizmetkarên xwe şandin, Ji bilindciyên bajêr gazî dike û dibêje:

⁴«Sexikno werin vir!» Ji kesên kêmaqil re jî dibêje:

⁵«Werin ji nanê min bixwin, Ji şeraba min a hazirkirî vexwin.

⁶Dev ji sexikbûna xwe berdin û bijîn. Di riya fêmdariyê de bimeşin.

⁷«Kesê ku tinazkarekî şîret dike, şermezar dibe, Kesê erzê kesê xerab dişikêne, birîndar dibe.

⁸Tinazkarekî hat erzşikandin, wê ji te nefretê bike. Şehrezayekî hat erzşikandin, wê ji te hez bike.

⁹Hînê şehreza bike, wê şehrezatir bibe, Fêrî kesê rast bike, wê zanatir bibe.

¹⁰Tirsa Xudan destpêka şehrezayiyê ye, Naskirina Yê Pîroz fêmdarî ye.

¹¹Çimkî bi min, wê rojên te zêde bin, Wê salên emrê te bêtir bin.

¹²Heger tu şehreza bî, ji bo xwe şehreza yî, Heger tu tinazkar jî bî, tê bi tenê êşa wê bikişînî.»

¹³Jina bêaqil şerûd e. Ew sexik e, bi tiştekî nizane.

¹⁴Ew li ber deriyê xwe, Li bilindciyên bajêr li ser kursî rûdine,

¹⁵Gazî kesên di rê de dike, Ji kesên bi riya xwe ve diçin re dibêje:

¹⁶«Sexikno werin vir!» Ji kesên kêmaqil re jî dibêje:

¹⁷«Ava diziyê şîrîn e, Nanê bi dizî tê, xwarin kêf e.»

¹⁸Lê ew nizanin li wir mirî hene, Nizanin mêvanên wê li kûrahiya diyarê miriyan in.