Read Kurmanji Încîl Hoşêya 6 Bible Online

Hoşêya 6 - Kurmanji Încîl bible

Hoşêya 6

¹Werin, em li Xudan vegerin. Wî em perçe kirin, Wê me baş jî bike. Wî em birîndar kirin, Wê birîna me jî derman bike.

²Piştî du rojan wê me vejîne, Di roja sisiyan de wê me rake ser piyan Ku em li pêş wî bijîn.

³Em Xudan nas bikin, Em bikevin pey naskirina wî. Wê li me mîna ronahiya serê sibê esse xuya bibe. Hatina wî wê wek baranê, Wek barana biharê ku erdê av dide.

⁴Xudan wiha dibêje: «Ya Efrayîm ez çi bikim ji te? Ya Cihûda ez çi bikim ji te? Dilovaniya we mîna mija serê sibê ye, Mîna xunava zû radibe û diçe.

⁵Loma min bi riya pêxemberan ew perçe kirin, Min ew bi gotinên devê xwe kuştin. Hikmên min mîna ronahiyê derket.

⁶Çimkî ez dilovaniyê dixwazim, ne qurbanê. Ji qurbanên şewitandinê bêtir, Zanîna Xwedê dixwazim.

⁷Lê wan li bajarê Adamê Peyman binpê kir. Li wê derê li min bêbextî kirin.

⁸Gîlad bajarê xerabkaran e, Bi şopên xwînê tije ye.

⁹Wekî komên rêbiran kemîn datînin, Koma kahinan jî wisa ye. Di riya Şexemê de mirovan dikujin, Bi rastî jî riswatiyê dikin.

¹⁰Min di nav Mala Îsraîl de tiştekî tirsdar dît: Efrayîm ketiye nava zinayê, Îsraîl qirêj bûye.

¹¹«Ya Cihûda ji bo te jî Rojeke berhilanînê hate kifşkirin. «Kengê min xwest rewşa gelê xwe baş bikim,