Read Kurmanji Încîl Hoşêya 8 Bible Online

Hoşêya 8 - Kurmanji Încîl bible

Hoşêya 8

¹«Li boriyê bixin! Dijmin wek teyr bi ser Mala Xudan ve tê. Ji ber ku Îsraîl peymana min binpê kir, Li dijî Şerîeta min derket.

²Ew ji min lava dikin û dibêjin: ‹Ya Xwedayê me, em Îsraîlî Te nas dikin!›

³Îsraîl tiştên qenc red kir, Wê dijmin bikeve pey wan.

⁴Wan padîşah danîn, lê ji min nepirsîn; Serek ji xwe re kifş kirin, Lê haya min ji wan tunebû. Wan ji zêr û zîvên xwe ji xwe re pût çêkirin, Loma wê helak bibin.

⁵Ya Samerya golikê te avêtiyê dera hanê ye. Hêrsa min li dijî wan rabû, Ma heta kengê wê negihîjin paqijiyê?

⁶Ew karê Îsraîliyan e, Hosteyekî ew pûtê golikî çêkir; Ew ne Xwedê ye! Wê golikê Sameryayê bê perçekirin.

⁷Ji ber ku ew bayê diçînin, Wê bagerê hilînin. Genimê bê simbil, nabe arvan; Bibe jî wê xerîb daqurtînin.

⁸«Îsraîl hat daqurtandin, Ew niha di nav miletan de, Mîna firaxekê ye ku kesek naecibîne.

⁹Wekî kerê çolê ku bi tena serê xwe digere, Ew çûn Aşûrê. Efrayîm bi pere yar ji xwe re girtin.

¹⁰Tevî ku di nav miletan de bi pere yar ji xwe re girtibin jî, Ezê niha wan bidim hev û ceza bikim. Wê di bin nîrê padîşahê serekan de biperçiqin.

¹¹«Efrayîm ji bo pêşkêşiyên gunehan, Gorîgeh zêde kirin. Ev jî bû sedem ku gunehan bikin.

¹²Min gelek tiştên Şerîeta xwe ji wan re nivîsandin, Lê li gorî wan tiştên ecêb bûn.

¹³Ew ji min re qurban serjê dikin, Ew bixwe jî dixwin. Lê dîsa jî Xudan ji wan qurbanan ne razî ye. Wê niha neheqiyên wan bîne bîra xwe, Wê cezayê gunehên wan bide; Wê vegerin Misrê.

¹⁴Îsraîl Afirînerê xwe ji bîr kir. Ji xwe re qesir çêkirin. Cihûda bajarên bisûr zêde kirin. Lê ezê agir bi ser bajarên wan de bibarînim. Ev agir wê bircên wan daqurtîne û tune bike.»