Read Kurmanji Încîl Zekeriya 13 Bible Online

Zekeriya 13 - Kurmanji Încîl bible

Zekeriya 13

¹«Wê rojê wê kaniyek bizê ku Mala Dawid û rûniştiyên Orşelîmê ji guneh û nepaqijiyan pak bibin.»

²Gotina Xudanê Karîndar ev e: «Wê rojê ezê ji welêt navê pûtan rakim. Wê careke din navê wan neyê bibîranîn. Ezê pêxemberên derewîn û ruhê qirêjî ji welêt dûr bixim.

³Heger kesek dîsa pêxemberî bike, wê dê û bavê wî jê re bêjin: ‹Tê bimirî! Çimkî tu bi navê Xudan derewan dikî.› Gava pêxemberî bike, wê dê û bavê wî bedena wî qul bikin û bikujin.

⁴«Wê rojê wê her pêxember ji ber dîtiniya di pêxemberiya xwe de dîtiye, şerm bike. Wê ebayê pêxemberan ê bipirç li xwe neke ku mirovan bixapîne.

⁵Lê wê bêje: ‹Ez ne pêxember im, ez cotkar im. Ji ciwaniya xwe ve ez li ser axê xebitîm[16].›

⁶Gava kesek rabû û jê pirsî: ‹Naxwe ev birînên di nav milên te de çi ne?› wê wiha bêje: ‹Ev birîn, li mala dostên min li min peyda bûne.›

⁷«Ya şûr! Li dijî şivanê min, Li dijî kesê li ba min hişyar be!» Ev e gotina Xudanê Karîndar. «Li şivên bixe ku pez belav bin. Ezê destê xwe li dijî biçûkan rakim.»

⁸Gotina Xudanê Karîndar ev e: «Li tevahiya welêt Wê ji sisêyan diduyê gel bê avêtin û tune be, Li wir ji sisêyan yek wê sax bimîne.

⁹Ezê ji sisiyan yekê mayî bixim nava êgir. Ezê wan wekî zîv bisefînim, Ezê wekî zêr biceribînim. Wê gazî navê min bikin, Û ezê bersiva wan bidim. Ezê bêjim: ‹Ev gelê min e.› Ewê jî bêjin: ‹Xudan, Xwedayê me ye.›»