Read Kurmanji Încîl, 2009 Zebûr 108 Bible Online

Zebûr 108 - Kurmanji Încîl, 2009 bible

Zebûr 108

¹Dilê min bêleq e, ey Xwedê, Ezê bi hemû canê xwe ji te re lavij û îlahiyan bêjim!

²Hişyar be, ey lîr, ey çeng, Ezê seherê hişyar kim!

³Di nav gelan de, ezê spasiya te bikim ya Xudan, Pesnê te bidim li nav miletan.

⁴Çimkî kerema te, bilindtir e ji ezman, Dilsoziya te digihîje heta ewran.

⁵Ey Xwedê, bilind bibe ser ezmanan, Bila berziya te binixême tevahiya erdan!

⁶Da ku hezkirên te bigihîjin azadiyê, Bi destê xwe yê rastê rizgar ke, me bibersivîne!

⁷Xudan ji dera xwe ya pîroz soz da: «Ezê bi şahî, Şexemê parî bikim, Geliyê Sukkotê bipîvim

⁸Gîlat ya min e, Manasse jî ya min, Efrayîm sîpera serê min, Cihûda gopalê padîşahiya min.

⁹Moav legana min a şûştinê ye, Ezê çaroxa xwe bavêjim ser Edomê, Ezê bi serketin biqîrim ji bo Filîstê.»

¹⁰Kî wê min bibe bajarê bi sûr? Wê kî riya Edomê nîşanî min bide?

¹¹Ey Xwedê, ma te em red nekirin? Ey Xwedê, ma tu êdî bi ordiyên me re naçî?

¹²Li hember dijmin ji me re bibe alîkar, Çimkî vala ye alîkariya mirov.

¹³Bi alîkariya Xwedê, emê bi ser kevin, Ew e, yê ku dipelçiqîne dijminê me.