Read Kurmanji Încîl, 2009 Zebûr 138 Bible Online

Zebûr 138 - Kurmanji Încîl, 2009 bible

Zebûr 138

¹Ez bi hemû dilê xwe ji te re spas dikim, ya Xudan, Li pêş îlahan, ezê bi lavijan pesnê te bidim.

²Ezê bi ser perestgeha te ya pîroz ve xwar bibim, Ji bo kerem û dilsoziya te, Ezê ji navê te re spas bikim. Çimkî te navê xwe û peyva xwe di ser her tiştî re girt.

³Gava min bang kir, te ez bersîvandim, Te hêz da min, te ez wêrek kirim.

⁴Wê hemû padîşahên erdê, ji te re spas bikin, ya Xudan, Çimkî wan, peyvên devê te bihîstin.

⁵Ewê bi lavijan pesnê karên Xudan bidin, Çimkî berziya Xudan mezin e.

⁶Xudan bilind be jî, Ew li nefsbiçûkan dinêre, Pozbilindan ji dûrî ve dinase.

⁷Ez bikevim tengahiyê, tu canê min diparêzî, Li hember hêrsa dijminên min, tu destê xwe radikî, Bi destê xwe yê rastê, tu min xelas dikî.

⁸Ya Xudan, her ya ku te soz daye, tê bikî. Kerema te her û her e, Dev ji karên destê xwe bernede!