Read Kurmanji Încîl, 2009 Zebûr 16 Bible Online

Zebûr 16 - Kurmanji Încîl, 2009 bible

Zebûr 16

¹Min biparêze ya Xudan, Çimkî ez xwe dispêrim te.

²Min ji Xudan re got, «Tu yî efendiyê min, Xên ji te kes nîne ku qenciyê bike bi min.»

³Heçî pîroz û esilzadeyên dinê ne, Hemû şahiya min bi wan e.

⁴Yên ku li pey îlahên din digerin, wê derdê wan zêde be. Ezê goriyên wan ên xwînê nerêjim. Navê wan bi devê xwe nebêjim.

⁵Ya Xudan, Tu nesîb û para kasa min î. Pardarê jiyana min î.

⁶Çi cihên berdar bûn para min, Erê, çi xweşik e mîrasa min.

⁷Pesnê te didim, Xudanê ji bo min şîretdar, Bi şevan jî dilê min ji min re dibe hîndar.

⁸Ez hergav Xudan datînim pêş xwe, Ji ber ku li milê min ê rastê ye, min nedî lerz li xwe.

⁹Ji ber vê hundirê min bi kêf, dilê min şa ye, Bedena min di ewlehiyê de ye.

¹⁰Çimkî tu min li diyarê miriyan terk nakî, Ji rizîbûna pîrozê xwe re dil nakî.

¹¹Tu min haydar dikî ji riya jînê, Têr şahî heye li pêşberî te, Kêm nabe şahî li rastê te.