Read Kurmanji Încîl, 2009 Zebûr 19 Bible Online

Zebûr 19 - Kurmanji Încîl, 2009 bible

Zebûr 19

¹Ezman berziya Xwedê didin nîşan, Qûba ezman karê destê wî didin xuyan.

²Roj ji rojê re gotin dibêje, Şev ji şevê re zanînê dide nîşan.

³Ne gotin heye, ne peyivîn, Dengê wan nayê bihîstin.

⁴Belê dengê wan belav dibe li tevahiya dinê, Û dengê wan diçe heta dawiya cîhanê. Xwedê, ji bo rojê li ezmanan çadir danî.

⁵Roj, wek zavayê ku ji gerdekê dertê ye, Bi kêf e, wek bezdarê li ber bezînê ye.

⁶Dertê ji aliyekî ezman, Dizivire heta dawiya ezman, Tu tişt nikare xwe veşêre ji germahiyan.

⁷Tekûz e şerîeta Xudan, can dide can, Dilsoz e şehadeta Xwedê, Şehrezayî dide şaşan.

⁸Qaydeyên Xudan rast in, şahiyê didin dilan, Emrê Xudan pak e, ronahiyê dide çavan.

⁹Tirsa Xudan paqij e, her û her dimîne, Dadbariyên Xudan heq in, hemû jî rastî ne.

¹⁰Bêriya wan tê kirin, ji zêr, ji gellek zêrê xas bêtir, Ew in ji hingiv, ji hingivê dawerivandî xweştir.

¹¹Evdê te bi wan tê hişyarkirin, Yên wan tînin cih, distînin perrûya mezintirîn.

¹²Kî dikare şaşiyên xwe bibîne, Ji gunehên bi dizî tu min bibexşîne,

¹³Bibexşîne evdê xwe ji gunehên bi zanîn, Nehêle ku li ser min bibin padîşah! Hingê ezê tekûz bibim, Ji serhildana mezin bêrî bim.

¹⁴Gotina ku dertê ji devê min, Fikra ku diçe ji dilê min, Bila maqûl bê dîtin li pêş te, Ya Xudan tu yî zinar û rizgarkarê min!