Read Kurmanji Încîl, 2009 Zebûr 26 Bible Online

Zebûr 26 - Kurmanji Încîl, 2009 bible

Zebûr 26

¹Min mafdar derîne ya Xudan, Çimkî ez di riya rast de meşiyam; Bê çivçivandin min baweriya xwe anî bi Xudan.

²Min biceribîne ya Xudan, min îmtihan bike. Dilê min, fikrên min sihêtî bike.

³Çimkî hezkirina te ye hergav li pêş çavê min, Dilsoziya te rêberî dike li min.

⁴Rûneniştim ez li ba derewkaran, Û min neda pey durûyan.

⁵Nefret dikim ez ji koma xeraban, Tu car nakevim nava fesadan.

⁶Min bi bêsûcî şûştin destê xwe, Ezê bigerim li dora perestgeha te ya Xudan,

⁷Heta ku ez bibîhîzim dengê te yê bi şûkran, Û herîqayên te bikim îlan.

⁸Ez hez dikim ya Xudan ji mala te, Li dera ku rawestî berziya te.

⁹Tu nestîne canê min bi gunehkaran, Û jiyana min bi xwînxwaran.

¹⁰Yê wan, xerabî ye di destê wan, Destê wan ê rastê tije ye bi bertîlan.

¹¹Belê ez dijîm bi durustî, Min xelas ke, ber min bikeve tu jî.

¹²Lingê min li dera rast e. Di civatê de ezê pesnê te bidim ya Xudan.