Read Kurmanji Încîl, 2009 Zebûr 29 Bible Online

Zebûr 29 - Kurmanji Încîl, 2009 bible

Zebûr 29

¹Ey hebûnên ezmanî, Pesnê hêz û berziya Xudan bidin,

²Pesnê mezinahiya navê Xudan bidin. Di rewneqiya wî ya pîroz de, li ber Xwedê herin ser çokan.

³Dengê Xudan li ser avan e, Xwedayê berziyê digurme, Xudan li ser gellek avan e.

⁴Dengê Xudan hêzdar e, Dengê Xudan haşmetkar e.

⁵Dengê Xudan darên sedîr dişikêne, Sedirên Lubnanê dike par bi par.

⁶Û ew Lubnanê wek golik, Çiyayê Sîrîonê wek mozikê boxê kuvî hildavêje.

⁷Dengê Xudan wek brûskê davêje,

⁸Dengê Xudan çolê dihejîne, Xudan çola Qadeşê dihejîne.

⁹Dengê Xudan xezalan dide zayin, Pelên daristanan diweşîne. Li perestgeha wî herkes «Berzî» diqîre.

¹⁰Xudan li ser tofanê li textê xwe rûnişt, Ewê her û her padîşah bimîne.

¹¹Xudan hêz dide gelê xwe, Gelê xwe bi aştî pîroz dike!