Read Kurmanji Încîl, 2009 Zebûr 38 Bible Online

Zebûr 38 - Kurmanji Încîl, 2009 bible

Zebûr 38

¹Bi hêrsa xwe li min nehilê ya Xudan, Bi xezeba xwe min perwerde neke!

²Tîrên te li min ketin, Û destê te bi giranî li ser min.

³Ji ber xezabe te, nema sihet di bedena min, Ji ber gunehê min, nema rihetî di hestiyê min.

⁴Çimkî gunehên min, zêde bûn ji serê min, Wek barekî giran, giran bûn li ser pişta min.

⁵Ji ber bêaqiliya min, Birînên min bi kul û kêm in.

⁶Ez xwar û piştxuz bûm, Tevê rojê digerim şîndar.

⁷Çimkî ez dişewitim ji ber agir, Vê jî siheta bedena min bir.

⁸Nema taqeta min, ez pirr pelçiqîm. Nalînên min, ji ber êşa dilê min.

⁹Ya Xudan, tu dizanî bi hemû daxwaza min, Ji te ne veşartî ne, nalînên min.

¹⁰Dilê min lêdixe, hêza min kêm dibe, Ronahiya çavan nema li ba min.

¹¹Dost û hezkirên min, direvin ji birîna min, Bi ser min nakevin merivên min.

¹²Yên li kuştina min digerin, danîn li ber min kozik, Yên li xesara min digerin, gotinên xerab dibêjin. Şeveroj hîle difikirin.

¹³Belê ez wek kerrekî nabihîzim, Wek bêzimanekî devê xwe venakim;

¹⁴Wek yekî ku nabihîze, Û di dev de bersîva wî tune.

¹⁵Çimkî hêviya min tu yî, ya Xudan, Tê bidî bersîva min, ya Reb Xwedayê min!

¹⁶Çimkî min got, «Bila bi halê min nebin kêfxweş, Pozbilindiyê nekin bi şemitîna lingê min!»

¹⁷Ez dikim bikevim, Êşê daye dilê min.

¹⁸Ez bi devê xwe dibêjim sûcê xwe, Bi keder im ji ber gunehê xwe.

¹⁹Belê dijminên min bi hêz û li ser xwe ne, Yên ku bi neheqî ji min nefret dikin zêde ne.

²⁰Yên ku li hember qenciyê dikin xerabî, ji bo min bûne dijmin, Ji ber ku ez li gor qenciyê dikim.

²¹Tu min bernede, ya Xudan! Ey Xwedayê min, dûr nemîne ji min!

²²Bazde alîkariya min, Ya Xudan, tu yî rizgariya min.