Read Kurmanji Încîl, 2009 Zebûr 41 Bible Online

Zebûr 41 - Kurmanji Încîl, 2009 bible

Zebûr 41

¹Xwezî bi wî, ku xwedî dertê li hejaran! Di roja xerab de, wî xelas dike Xudan.

²Xudan wî digire, dide wî jiyan, Li welat wî dilgeş dike, Wî nade destê dijminan.

³Di dema bêtaqetiyê de, Xudan ji bo wî dibe destek, Di nexweşînê de ji bo wî tîne sihet.

⁴Min got, «Li min were rehmê ya Xudan! Şîfa bide min, çimkî min li pêş te kir gunehan!»

⁵Dijminên min, bi xerabî dipeyivin li hember min, Dibêjin «Wê kîngê bimire û navê wî rabe.»

⁶Çaxê tên dîtina min, gotinên vala dikin, Bi dilê xwe fesadiyê dicivînin, Bi derketina derve re, wê li hember min dixebitînin.

⁷Hemû yên ku nefret dikin ji min, Dibe piste pista wan li dijberî min. Xerabiyê difikirin ji bo min.

⁸Dibêjin, «Va ye belak xerab hat serê wî, Ew raza û hew radibe êdî.»

⁹Yê ku nanê min xwar, dostê min ê nêzik û ewledar, Bêbextî li min kir.

¹⁰Belê tu ya Xudan, li min were rehmê, min rake. Da ku ez ji heqê wan werim der.

¹¹Gava ku dijminê min, pesnê xwe nede li hember min, Hingê ezê bizanibim ku tu hez dikî ji min.

¹²Ji ber durustiya min, tu dibî alîkarê min, Tu hergav min digrî li huzûra xwe.

¹³Xwedayê Îsraêlê, Xudan, Ji destpêkê heta bi hetayê pîroz be! Amîn û amîn!