Read Kurmanji Încîl, 2009 Zebûr 50 Bible Online

Zebûr 50 - Kurmanji Încîl, 2009 bible

Zebûr 50

¹Ew, Xwedê, Xudan dibêje; Bang li hemû erdê dike, Ji dera ku roj hiltê û heta dera ku diçe ava.

²Li bendava rindiyê, li Siyonê, Dibiriqe Xwedê.

³Xwedayê me tê, bêdeng namîne, Agirê li pêş wî dişewitîne, Û der û dora wî bager û bahoz.

⁴Da ku gelê xwe dîwan bike, Ew bangî ezmanê jor û erdê dike:

⁵«Li pêş min bicivînin evdên min ên dilsoz, Yên ku bi gorîdanê ji min re dane soz.»

⁶Ezman rastiya wî didin bihîstin, Çimkî dadbar Xwedê bi xwe ye.

⁷«Ey gelê min gohdar be ez bêjim, Ey Îsraêl, ez ji te re şahidî bikim: Ez Xwedê me, Xwedayê te ez im!»

⁸Ji ber qurbanên te ez erzê te naşkînim, Goriyên te yên şewitandî, hergav li pêş min in.

⁹Ez ne ji mala te boxeyan, Ne jî ji gomên te bizinan dibim.

¹⁰Çimkî heywanên hemû daristanan, Yên min in, dewarên li hezaran çiyan.

¹¹Bi hemû çivîkên çiyan ez dizanim, Yên min in, pezkuviyên çolan.

¹²Ez birçî bibûma, min ji te re nedigot, Çimkî hemû dinya û tijebûna wê ya min e.

¹³Ma ez goştê boxeyan dixwim? An xwîna bizinan fir dikim?

¹⁴Tu goriya spasiyê pêşkiş bike Xwedê, Sozên ku te dane Yê Herî Berz, bîne cih.

¹⁵Di roja xwe ya teng de gazî min bike, Ezê te rizgar bikim, tê rûmetê bidî min.

¹⁶Belê Xwedê, ji yê xerab re dibêje: «Bi çi mafî tu ji qanûna min qal dikî, An peymana min digirî devê xwe?

¹⁷Tu ji hîndariya min nefret dikî, Û gotinên min davêjî pişt gohê xwe.

¹⁸Gava ku tu dizekî dibînî, tu bi wî re li hev dikî, Bi zînakaran re dibî hevpar.

¹⁹Devê xwe serbest berdidî bo xerabiyê, Bi zimanê xwe dikî hîlekariyê.

²⁰Tu rûdinî, diaxivî li hember birayê xwe, Buxtanan davêjî kurê diya xwe.

²¹Te ev kirin, ez bêdeng mam, Te got qey ez wek te me. Belê ez erzê te dişikînim, Hemû sûcên te li ber te datînim.

²²«Vê fêm bikin, hûn, ey yên Xwedê ji bîr kirine! An ezê we perçe bikim, kesî we rizgar ke nîne.

²³Her kî ku bide goriya spaskirinê, ew min bi rûmet dike; Yê ku li riya rast diçe, ezê rigarkirina xwe nîşanî wî bidim.»