Read Kurmanji Încîl, 2009 Zebûr 55 Bible Online

Zebûr 55 - Kurmanji Încîl, 2009 bible

Zebûr 55

¹Ey Xwedê goh bide dua min, Pişta xwe nede lavakirina min!

²Li min baş gohdarî bike, bersîv bide min. Ez şaş bûme, min aciz dikin fikrên min.

³Ji dengê dijmin, ji tada xeraban; Çimkî tengahiyê didin min, Bi hêrs davêjin ser min.

⁴Dilê min ji kûr ve dinale, Sawa mirinê ket ser min.

⁵Tirs û lerizînê ez girtim, Sawê ez rapêçam.

⁶Min got, «Xwezî wek kevokê bazkên min hebûna!» «Ezê bifirîma û rihet bibûma.

⁷Ezê birevîma derên dûr, Minê li çolê daniya.

⁸Li hember bager û babelîskan, Ezê zû biçûma dereke bi star.»

⁹Ya Xudan, tu şaş bike xeraban tevlihev bike zimanê wan, Çimkî min li bajêr şer û zordarî dît.

¹⁰Bi şev û bi roj li ser bircên bajêr digerin, Bajêr, ku fesadî û xerabî tije ye.

¹¹Xerabî di nav bajêr de ye, Hîle û zordarî ji kuçên wê dernayê.

¹²Yê ku tehn li min dida dijmin bûya, Minê di ber xwe bida; Yê ku li ber min pozbilindiyê dikir dijmin bûya, Minê xwe ji ber veşarta.

¹³Belê tu bûyî, yê ji min re yeksan, Hevalê min, dostê ji dil û can.

¹⁴Me bi hev re bi şîrînî hevaltî dikir, Bi civatê re em diçûn mala Xwedê.

¹⁵Bila mirin ji nişka ve bê ser wan, Bi saxî herin diyarê miriyan; Çimkî xerabî di mala wan, di dilê wan de ye.

¹⁶Ez bangî Xwedê dikim, Xudan min xelas dike.

¹⁷Bi şev, bi roj û êvarê ji kedera xwe dinalim, Ew dibihîze dengê min.

¹⁸Wî ez ji şerê li hember min, Bi aştî xelas kir canê min, Çimkî zêde bûn, yên ku şer dikirin bi min.

¹⁹Xwedayê ku ji her û her ve li textê xwe rûniştî, Wê wan bibihîze û bipelçiqîne. Ew ku, naguherin, Û natirsin ji Xwedê.

²⁰Hevriyê min êrîşî hevalê xwe kir, Peymana ku wî çêkiribû, xera kir.

²¹Ji devê wî hingiv dibare, Belê dilê wî tije şer e. Gotinên wî ji rûn nermtir, Belê ji şûr tûjtir in.

²²Tu barê xwe ji Xudan re bihêle, Ewê te li ser lingan bihêle. Ew tucar nahêle, Ku yê rast bikeve.

²³Belê tu, ya Xwedê, tê wan bavêjî korta mirinê, Wê zilamên xwînî û hîlekar, nîvê rojên xwe nebînin tucar; Herçî ez im, min xwe spartiye te.