Read Kurmanji Încîl, 2009 Zebûr 56 Bible Online

Zebûr 56 - Kurmanji Încîl, 2009 bible

Zebûr 56

¹Li min were rehmê ey Xwedê, Çimkî mirov dixwazin min dabelînin, Her roj bi şer, êrîşan bi ser min de tînin.

²Dijminên min, her roj min dipelçiqînin, Gellek ji wan, li hember min şer dertînin.

³Di roja tirsê de ez bi te ewle me.

⁴Ji Xwedê re, ku ez pesindarê peyva wî me, Ez bi wî ewle me, ez natirsim. Mirov dikare çi bike bi min?

⁵Her roj, ew gotinên min berevaji dikin, Li ser min fikra wan hergav xerabî ye.

⁶Li hev dicivin, kemîn datînin, Dixwazin canê min bistînin.

⁷Ma ewê, xelas bibin ji xerabiyê? Ey Xwedê, bi xezeba xwe miletan bîne xwarê!

⁸Te êş û jana min hesiband, Hêstirên çavên min di meşka xwe de civand! Ma te ew di kitêba xwe de nenivîsand?

⁹Roja ez bang bikim, Dijminên min, wê bi şûn ve vekişin. Ez dizanim, Xwedê ji alî min e.

¹⁰Xwedê, ku ez pesindarê peyva wî me, Xudan, ku ez pesindarê gotina wî me,

¹¹Ez bi Xwedê ewle me, ez natirsim; Ma mirov dikarin çi bikin bi min?

¹²Ey Xwedê, ez sozên xwe ji te re tînim cih, Niha ezê goriyên spasiyê bidim te.

¹³Çimkî te canê min ji mirinê rizgar kir, Lingê min ji terpilînê parast; Va ye ez di ronahiya jînê de, Li pêş Xwedê rêve diçim.