Read Kurmanji Încîl, 2009 Zebûr 63 Bible Online

Zebûr 63 - Kurmanji Încîl, 2009 bible

Zebûr 63

¹Ey Xwedê, tu yî Xwedayê min, Ez li te digerim, Canê min tiyî te bûye, Li diyarekî çol, westa û bêav, Bedena min bêriya te dike.

²Ji bo ku ez bibînim hêz û berziya te, Di dera pîroz de min nihartiye li te.

³Ji jiyanê qenctir e kerema te, Lêvên min ji bo te didin spasî.

⁴Heta ez hebim ezê pesnê te bidim, Bi navê te ezê destê xwe bilind bikim.

⁵Wek bi mêjî û rûn têr bibim, wê canê min têr bibe, Wê devê min, bi lêvên min bi şahî ji te re şikir bike.

⁶Çaxê ez te, di nav nivînan de bibîr tînim, Di dirêjiya şevê de, ez te kûr difikirim.

⁷Çimkî tu ji min re bûyî alîkar, Di bin siya bazkên te de bi şahî dibim spasdar.

⁸Canê min bi daxwaz li dû te baz dide, Destê te yê rastê ji min re dibe alîkar.

⁹Belê yên ku dixwazin canê min bistînin, Ewê korta bin erdê bibînin,

¹⁰Ewê bîkevin ber devê şûr, Ji çeqelan re bibin par.

¹¹Belê wê padîşah bi Xwedê şa be. Yên ku bi navê wî sond dixwin, wê pesnê xwe bidin, Lê ewê devê derewkaran bê girtin.