Read Kurmanji Încîl, 2009 Zebûr 91 Bible Online

Zebûr 91 - Kurmanji Încîl, 2009 bible

Zebûr 91

¹Yê ku, li stara Yê Herî Berz rûdinê, Wê di bin siya Karîndar de aram be.

²Ez ji bo Xudan dibêjim, «Ew birc û stara min e, Ew Xwedayê min e, ez bi wî ewle me.»

³Çimkî ew, te ji dafika nêçîrvan, Ji nexweşîna ku dibe mirinê rizgar dike.

⁴Ew bi bazkên xwe te dinixême, Tu xwe davêjî bin milên wî. Dilsoziya wî dibe mertal û kozika te.

⁵Ne tu ji sawa şevê ditirsî, Ne jî ji tîrê ku bi roj difire.

⁶Ne ji nexweşîna ku di tariyê de digere, Ne jî ji xerakirina ku navê rojê tune dike.

⁷Li ba te hezar, Li milê te yê rastê deh hezar bikevin jî, Lê ew nêzikî te nabe.

⁸Tu tenê bi çavê xwe dinêrî, Û cezayê xeraban dibînî.

⁹Bi rastî ya Xudan, tu stara min î. Te, Yê Herî Berz ji xwe re kir cî û war,

¹⁰Wê xerabî dest nede te, Nexweşîn neyê nêzikî konê te.

¹¹Da ku di hemû riyên te de, te biparêzin, Wê ji bo te, emir li milyaketên xwe bike.

¹²Ji bo ku lingê te li kevirekî nekeve, Wê li ser destê xwe, te hilgirin.

¹³Tê pê li şêr û koremar bikî û biborî, Tê şêrê ciwan û marê ziya bipelçiqînî.

¹⁴«Ji ber ku ji min hez kir, ezê wî xelas kim, Ezê wî biparêzim, çimkî navê min nas kir.

¹⁵Ewê bangî min bike, ezê wî bibersivînim, Di tengahiyê de li ba wî bimînim, Ezê wî azad kim, berziyê jê re bînim.

¹⁶Ezê wî bi jiyê dirêj têr kim, Nîşanî wî bidim, rizgarkirina xwe.»