Read Kurmanji Încîl, 2009 Mamosteyê Şehrezayiyê 11 Bible Online

Mamosteyê Şehrezayiyê 11 - Kurmanji Încîl, 2009 bible

Mamosteyê Şehrezayiyê 11

¹Nanê xwe bavêje ser avê, [15] Çimkî piştî gelek rojan tê bibînî.

²Li heft, heta heşt kesan parî bike, Çimkî tu nizanî wê çi xerabî li ser rûyê erdê çêbe.

³Heger ewr bi avê tije bin, Wê bi ser erdê ve bibarin; Darek bi aliyê başûr an bi aliyê bakur ve biqelibe, Wê li dera ku qelibiye bimîne.

⁴Kesê ku çavdêriya bayê dike, wê najo, Yê ku li ewran dinêre, wê neçine.

⁵Çawa ku tu nizanî ka çawa nefes tê hestiyên ku di malzaroka dê de ne, Tu bi karê Xwedê yê ku her tiştî çêdike jî nizanî.

⁶Tu serê sibê tovê xwe bireşîne, Û heta êvarê rihetiyê nede destê xwe, Çimkî tu nizanî wê kîjan tov baş bibe, Ev an yê din, An ku wê herdu jî baş bibin.

⁷Ronahî şîrîn e, Dîtina rojê bi çavan xweş e.

⁸Mirovek salên dirêj bijî, Bila di hemûyan de şa be, Lê bila rojên xwe yê tarî bibîr bîne, Çimkî wê gelek bin. Her tiştê ku tê pûç e.

⁹Ey zilamê xort, di xortaniya xwe de şa be, Bila di rojên xortaniyê de dilê te, te şa bike, Tu di riya dilê xwe û di ya ku çavê te dibîne de bimeşe, Lê bizane, Xwedê ji bo van hemûyan hesaban distîne.

¹⁰Loma tu kederê ji dilê xwe bavêje, Û xerabiyê ji bedena xwe dûr bigire, Çimkî xortanî û mêrxasî pûç e.