Read Kurmanji Încîl, 2009 Tîmotêyos I, 2 Bible Online

Tîmotêyos I, 2 - Kurmanji Încîl, 2009 bible

Tîmotêyos I, 2

¹Îcar berî her tiştî ez ji we dixwazim ku ji bo hemû mirovan lava, dua, mehder* û spasî bê kirin,

²wusa jî ji bo padîşahan û ji bo hemû serweran bikin, da ku em bi hemû tirsa Xwedê û bi rêz û edeb jiyaneke bêhengame û bê teq û req bijîn.

³Li ber Xilaskarê me Xwedê ev qenc e û bi dilê wî ye;

⁴ew dixwaze ku hemû mirov xilas bibin û bigihîjin zanîna rastiyê. [3†]

⁵Çimkî tenê Xwedayek heye û di nav Xwedê û mirovan de jî bi tenê navberkarek heye, ew jî Mesîh Îsayê mirov e,

⁶yê ku xwe ji bo hemûyan kir berdêl. Şahidiya ku di wextê xwe de hatiye dayîn ev e.

⁷Û ez ji bo vê yekê peyvbêj û Şandî* hatim kifşkirin — ez rast dibêjim, ez derewan nakim — ku ez ji miletan re bûme mamosteyê bawerî û rastiyê.

⁸Loma ez dixwazim ku zilam li her derê destên xwe yên ji guneh bêrî hildin, bê hêrs û bê gotûbêj dua bikin.

⁹Bi vî awayî jî bila jin bi wergirtina xwerû, bi şerm û bi edeb xwe bixemilînin, ne bi honandina porê xwe, bi zêr, an duran, an jî bi cilên biha, [4†]

¹⁰lê bi kirinên qenc, wek li wan jinan tê, yên ku eşkere dikin ku ew di riya Xwedê de diçin.

¹¹Bila jin bêdeng û tam bi guhdanê hîn bibe.

¹²Ez destûrê nadim jinê ku hîn bike, an jî serweriyê li mêran bike, lê bila bêdeng be.

¹³Çimkî pêşî Adem* hat afirandin û paşê Hawa.

¹⁴Adem nehat xapandin, lê jin hat xapandin û sûc kir. [5†]

¹⁵Lê eger bi edebê di bawerî, hezkirin û pîroziyê* de bimîne, bi anîna zarokan wê xilas bibe.