Read Пәймана Ну (Инщил) Марԛос 2 Bible Online

Марԛос 2 - Пәймана Ну (Инщил) bible

Марԛос 2

¹Пәй чәнд рʼожарʼа Иса вәгәрʼийа Кәфәрнаһуме. Һьнге һатә бьһистьне, кӧ Әԝ малда йә.

²Маледа һаԛас мәрьв щьвийан, һʼәта кӧ ль бәр дери жи щи-сьтʼар тʼӧнәбу. Иса хәбәра мьзгинийе әԝ һин дькьрьн.

³У мәрьв һатьн, жь нав ԝанда чар мәрьва шьлушәʼтәк һьлдабун данинә щәм Иса.

⁴Ле жь дәст әʼлаләте рʼе нәдитьн кӧ незики Иса буна, ԝана бане ханийе кӧ Иса теда бу ԛӧл кьр у мәрьве шьлушәʼт бәрʼева дахьстьнә жере.

⁵Гава кӧ Иса баԝәрийа ԝан дит, готә йе шьлушәʼт: «Лаԝо, гӧнед тә һатьнә бахшандьне».

⁶Жь ԛанунзана һьнәк ԝьра рʼуньштьбун у дьле хԝәда дьготьн:

⁷«Әви һан чьма ӧса хәбәр дьдә? Әва ньге хԝә Хԝәдерʼа давежә! Пештьри Хԝәде кʼи дькарә гӧна бьбахшинә?»

⁸Дәстхԝәда рʼӧһʼе Исава әʼйан бу кӧ әвана аһа дьфькьрьн, Әԝи гот: «Һун чьма тьштед аһа дьле хԝәда дьфькьрьн?

⁹Кʼижан рʼьһʼәт ә, шьлушәʼтрʼа бежьн: ‹Гӧнед тә һатьнә бахшандьне?› йан бежьне: ‹Рʼабә бәрʼа хԝә һьлдә у бьгәрʼә?›

¹⁰Ле ԝәки һун бьзаньбьн кӧ һʼӧкӧме Кӧрʼе Мерьв һәйә ль сәр әʼрде гӧна бьбахшинә…»

¹¹готә йе шьлушәʼт: «Әз тәрʼа дьбежьм, рʼабә бәрʼа хԝә һьлдә, һәрʼә мала хԝә».

¹²Әԝ жи перʼа-перʼа ль бәр чʼәʼве һәр кәси рʼабу, бәрʼа хԝә һьлда, дәркʼәт у чу. Һʼәму жи һʼәйири ман, шькьри данә Хԝәде у готьн: «Мә тьштәки ӧса тʼӧ щар нәдитийә!»

¹³Иса диса чу дәве голе. Тʼәмамийа әʼлаләт дьһатә щәм Ԝи у Әԝи жи әԝ һин дькьрьн.

¹⁴Чахе Иса рʼеда чу, Леԝийе кӧрʼе Һалфаԝо ль щийе хәрщһьлдане рʼуньшти дит у готе: «Пәй Мьн ԝәрә». Әԝ жи рʼабу пәй Иса чу.

¹⁵Гава Иса мала Леԝида сәр сьфре бу, гәләк хәрщгьр у гӧнәкʼар тʼәви Ԝи у шагьртед Ԝи ль сәр сьфре рʼуньштьбун, чьмки йед пәй Ԝи дьчун гәләк бун.

¹⁶Гава ԛанунзанед жь нава ферьсийа дитьн кӧ Иса тʼәви хәрщгьр у гӧнәкʼара ль сәр сьфре рʼуньшти йә, жь шагьртед Ԝи пьрсин: «Чьма Әԝ тʼәви хәрщгьр у гӧнәкʼара дьхԝә у вәдьхԝә?»

¹⁷Чахе Иса бьһист, ԝанрʼа гот: «Сахләм нә һʼәԝще һʼәким ьн, ле нәхԝәш. Әз нә һатьмә гази йед рʼаст кьм, ле гази гӧнәкʼара».

¹⁸Щарәке шагьртед Йуһʼәнна у ферьсийа рʼожи дьгьртьн. Чәнд мәрьв һатьнә щәм Иса у же пьрсин: «Чьма шагьртед Йуһʼәнна у йед ферьсийа рʼожийа дьгьрьн, ле шагьртед Тә рʼожи нагьрьн?»

¹⁹Иса готә ԝан: «Һʼәта зәʼва тʼәви ԝан ә, гәло дьбә кӧ хԝәндийед дәʼԝате рʼожи бьгьрьн? Һʼәта зәʼва тʼәви ԝан ә, әԝ нькарьн рʼожи бьгьрьн!

²⁰Ле рʼож ԝе бен, гава зәʼва жь ԝан бе һьлдане, һьнге ԝе рʼоже ԝе рʼожи бьгьрьн.

²¹Тʼӧ кәс пе пʼарчʼе ну кʼьнща кәвьн пʼинә накә. Һәгәр ӧса бькә, пʼарчʼе кʼьнща кәвьнва дьрути ԝе зоре ль кʼьнща кәвьн бькә у щийе ԛәльши ԝе һе ль бәр һәвва һәрʼә.

²²У нә жи кәсәк шәрава ну дькә мәшкед кәвьн. Һәгәр ӧса бькә, шәрава ну ԝе мәшка бьтʼәԛинә, һьн шәраве ӧнда бә, һьн жи мәшк. Ле шәрава ну дькьнә мәшкед ну».

²³Иса рʼожәкә шәмийе нава зәвийарʼа дәрбаз дьбу у шагьртед Ԝи рʼева дәстпекьрьн сьмбьлед геньм чьнин.

²⁴Ферьсийа Исарʼа гот: «Бьньһерʼә! Чьма шагьртед Тә тьште нәщайизи рʼожа шәмийе дькьн?»

²⁵Иса ль ԝан вәгәрʼанд у гот: «Ԝә ԛәт нәхԝәндийә кӧ Даԝьд жь һʼәԝщәтийе чь кьр, гава әԝ у йед перʼа бьрʼчи бун?

²⁶Әԝ ԝәхте Әвйатаре сәрәккʼаһинда кʼәтә Хана Хԝәде у нане Хԝәдерʼа дайи хԝар, кӧ әԝ нан пештьри кʼаһина нә щайиз бу йәки дьн бьхԝара. Сәрда жи әԝ нан да йед тʼәви хԝә»[3].

²⁷Паше сәр готьна Хԝәда зедә кьр готә ԝан: «Рʼожа шәмийе бона инсен һатә данине, нә кӧ инсан бона рʼожа шәмийе!

²⁸Аԝа готи Кӧрʼе Мерьв Хӧдане рʼожа шәмийе йә жи».