Read Пәймана Ну (Инщил) Марԛос 6 Bible Online

Марԛос 6 - Пәймана Ну (Инщил) bible

Марԛос 6

¹Иса жь ԝьра дәркʼәт у чу щи-мьскʼәне Хԝә. Шагьртед Ԝи жи пәй Ԝи чун.

²Чахе рʼожа шәмийе һат, Ԝи кʼьништеда дәст бь һинкьрьне кьр у гәләка кӧ бьһист зәндәгьрти мабун у дьготьн: «Әви мәрьви әв тьшт жь кʼӧ анинә? Әв чь сәрԝахти йә кӧ жерʼа һатийә дайине? У әв чь кʼәрәмәт ьн кӧ бь дәсте Ԝи дьԛәԝьмьн?

³Нә Әв нәщар ә? Нә Әв кӧрʼе Мәрйәме у бьре Аԛуб, Йусес, Щьһуда у Шьмһʼун ә? Нә хушкед Ԝи ль вьр нав мәда нә?» Бь ви аԝайи әԝ жь Ԝи чун.

⁴Иса ԝанрʼа гот: «Пʼехәмбәр тʼӧ щийи нә беԛәдьр ә, пештьри нава щи-мьскʼәне хԝә, мәрьвед хԝә у мала хԝәда».

⁵Әԝи ль ԝе дәре нькарьбу тʼӧ кʼәрәмәт бькьра, тʼәне дәсте Хԝә дани сәр чәнд нәхԝәша у әԝ ԛәнщ кьрьн.

⁶Әԝ сәр нәбаԝәрийа ԝан әʼщебмайи ма. Иса ль гӧндед дор-бәра дьгәрʼийа у һин дькьр.

⁷Ԝи һәр донздәһ гази щәм Хԝә кьрьн, дәстпекьр әԝ щот-щот шандьн у һʼӧкӧме ль сәр рʼӧһʼед һʼәрамрʼа да ԝан.

⁸Тʼәми да ԝан у гот: «Бона рʼе, пештьри шьвдара дәсте хԝә тʼӧ тьшти хԝәрʼа һьлнәдьн: Нә нан, нә турьк у нә жи пʼәра бәр пьшта хԝәда.

⁹Чарьхед хԝә бькьнә пʼийе хԝә, ле дӧ дәст кьрас хԝәрʼа һьлнәдьн».

¹⁰Сәрда зедә кьр готә ԝан: «Әԝ мала кӧ һун бькʼәвьне, ԝе маледа жи бьминьн, һʼәта һун жь ԝи щийи дәркʼәвьн.

¹¹Әԝ щийед кӧ ԝә ԛәбул нәкьн у гӧһдарийа готьна ԝә нәкьн, жь ԝьр дәркʼәвьн у тʼоза ньгед хԝә даԝшиньн, ԝәки ԝанарʼа бьбә шәʼдәти».

¹²Әԝ жи рʼе кʼәтьн чун у даннасин дькьрьн кӧ мәрьв жь гӧнәкьрьне вәгәрʼьн.

¹³Ԝана гәләк щьн дәрдьхьстьн у рʼун ль гәләк нәхԝәша дьдан у әԝ ԛәнщ дькьрьн.

¹⁴Һеродәс пʼадша әв йәк бьһист, чьмки нав у дәнге Иса дәркʼәтьбу. Һьнәка дьгот: «Әва Йуһʼәннайе ньхӧмдар ә жь нав мьрийа рʼабуйә. Ләма жи пе ԝи кʼәрәмәт тенә кьрьне».

¹⁵Ле һьнәка жи дьгот: «Әва Елйас ә». Һьнәкед дьн жи дьготьн: «Әва пʼехәмбәрәки мина пʼехәмбәред бәре йә».

¹⁶Ле гава Һеродәс әв йәк бьһист, гот: «Әва әԝ Йуһʼәнна йә, йе кӧ мьн сәре ԝи лехьстийә, жь нав мьрийа рʼабуйә!»

¹⁷Чьмки Һеродәс хԝәха Һеродийа жьна Филипойе бьре хԝә стандьбу, ле Йуһʼәнна жерʼа чәнд щара готьбу: «Нә рʼаст ә кӧ тӧ жьна бьре хԝә бьстини». Һеродәс жи кʼәрби Һеродийайе Йуһʼәнна дабу гьртьне, гьредабу у авитьбу кәле.

¹⁸

¹⁹Ләма Һеродийайе кʼин Йуһʼәннарʼа дажот, дьхԝәст ԝи бьдә кӧштьне, ле нькарьбу,

²⁰чьмки Һеродәс жь Йуһʼәнна дьтьрсийа у әԝ хԝәй дькьр. Әԝи заньбу кӧ Йуһʼәнна мәрьвәки рʼаст у бӧһӧрти йә. Гава кӧ гӧһдарийа готьна ԝи дькьр, сәре ԝи тʼәвиһәв дьбу[6], ле диса бь һʼәԝас гӧһ дьда готьна ԝи.

²¹Аԝа щарәке мәщал вәбу. Һеродәс бона рʼожа буйина хԝә, әʼсьлзада, сәрһʼәзаред әскәра у гьрәгьред Щәлилерʼа мәсрәф дани.

²²Гава ԛиза Һеродийайе кʼәтә һьндӧрʼ у рʼәԛьси, әв йәк ль дьле Һеродәс у тʼәглифкьрийед ль сәр сьфре рʼуньшти хԝәш һат. Һьнге пʼадше готә ԛизьке: «Тӧ жь мьн чь бьхԝази, әзе бьдьмә тә».

²³У ԝи жерʼа сонд хԝар гот: «Тӧ жь мьн чь бьхԝази, әзе бьдьмә тә, һʼәта ниве пʼадшатийа хԝә жи!»

²⁴Ԛизьк дәркʼәтә дәрва у чу жь дийа хԝә пьрси: «Әз чь бьхԝазьм?» Дийа ԝе жи гот: «Сәре Йуһʼәннайе ньхӧмдар».

²⁵Ԛизьке ләзанд чу щәм пʼадше у хԝәстьна хԝә жерʼа гот: «Әз дьхԝазьм кӧ тӧ ньһа сәре Йуһʼәннайе ньхӧмдар ль сәр сьнийе бьди мьн».

²⁶Пʼадша гәләки бәр хԝә кʼәт, ле чьмки ль бәр тʼәглифкьрийа сонд хԝарьбу, нәхԝәст созе хԝә бәтал кьра.

²⁷Пʼадше перʼа-перʼа әʼмьри сәр щәлат кьр, кӧ һәрʼә сәре Йуһʼәнна бинә. Щәлат жи чу кәледа, сәре ԝи лехьст

²⁸у ль сәр сьнийе ани у да кәчʼьке. Әԝе жи әԝ һьлда бьр да дийа хԝә.

²⁹Гава шагьртед Йуһʼәнна әв йәк бьһистьн, һатьн щьнйазе ԝи бьрьн кьрьнә тʼьрбе.

³⁰У шанди вәгәрʼийанә щәм Иса, һʼәму тьштед кӧ кьрьбун у һин кьрьбун жерʼа готьн.

³¹Иса ԝанрʼа гот: «Дә ԝәрьн әм тʼәне һәрʼьнә щики хәԝлә у һьнәки рʼьһʼәт бьн». Чьмки гәләк дьһатьн у дьчун, ԝана мәщал нәдьдит кӧ нане хԝә жи бьхԝарана.

³²У әԝ тʼәне бь ԛәйьке чунә щики хәԝлә.

³³Ле гәләка кӧ чуйина ԝан дит, әԝ нас кьрьн, жь һʼәму бажара пәйа бәзин у бәри ԝан гьһиштьнә ԝи щийи.

³⁴Чахе Иса жь ԛәйьке дәркʼәт у Ԝи әʼлаләтәкә гьран дит, һьнге гӧне Ԝи ль ԝан һат, чьмки әԝ мина пәзед бе шьван бун. Дәстпекьр гәләк тьшт әԝ һин кьрьн.

³⁵Иди чьмки дәрәнг бу, шагьртед Иса һатьн у готьне: «Әв дәр щики хьки-хԝәли йә, ԝәхт жи иди дәрәнг ә.

³⁶Щьмәʼте бәрʼдә кӧ әԝ һәрʼьнә гӧнд у бәргед дәр-дора у хԝәрʼа тьштед хԝарьне бькʼьрʼьн».

³⁷Ле Иса ль ԝан вәгәрʼанд у гот: «Һун хӧрәк бьдьнә ԝан!» Жерʼа готьн: «Әм һәрʼьн баһе дӧсьд зиви нан бькʼьрʼьн у ԝан бьдьнә хԝарьне?»

³⁸Иса ԝанрʼа гот: «Һәрʼьн бьньһерʼьн, кʼа чәнд нанед ԝә һәнә». Гава кӧ пе һʼәсийан, готьн: «Пенщ нан у дӧ мәʼси һәнә».

³⁹Ԝи әʼмьр кьр кӧ һʼәму жи кʼом-кʼом ль сәр гиһайе шин рʼунен.

⁴⁰Әԝ жи кʼом-кʼом, сәд-сәд, пенщи-пенщи ль әʼрде рʼуньштьн.

⁴¹Иса һәр пенщ нан у һәр дӧ мәʼси һьлдан, бәре Хԝә әʼзменда кьр шькьри да, әԝ нан кәркьрьн у да шагьртед Хԝә, ԝәки әԝ дайньнә бәр әʼлаләте. У һәр дӧ мәʼси жи ль һʼәмуйа бәла кьр.

⁴²Һʼәмуйа хԝар у тʼер бун.

⁴³Жь ԝан нан у мәʼсийа донздәһ сәләйед тʼьжи һурьк бәрәв кьрьн.

⁴⁴Йед кӧ жь ԝи нани хԝарьн ԝәкә пенщ һʼәзар мери бун.

⁴⁵Дәстхԝәда Әԝи пʼейи сәр шагьртед Хԝә кьр, кӧ бькʼәвьнә ԛәйьке у пешийа Ԝи дәрбази ԝи бәри голе, Бәйтсайдайе бьн, һʼәта кӧ Хԝәха щьмәʼте вәрʼекә.

⁴⁶Пәй вәрʼекьрьнерʼа рʼабу чу сәре чʼийе, кӧ дӧа бькә.

⁴⁷Гава кӧ рʼо чу ава, ԛәйьк нава голеда бу у Иса тʼәне дәве голе бу.

⁴⁸Иса дит кӧ шагьрт беркʼьшандьнеда гәләки зәʼмәте дькʼьшиньн, чьмки ба мьԛабьли ԝан бу. Незики ԛәрәбәрбанге Иса сәр голерʼа пәйа дьчу незики ԝан дьбу. Ԝи хԝәст кӧ бәр ԝанрʼа дәрбаз буйа,

⁴⁹ле чахе ԝана дит кӧ Иса сәр голерʼа пәйа дьчә, ԝан тʼьре хәйаләкә кӧ дьбиньн у кьрьнә ԛирʼин.

⁵⁰Чьмки һʼәмуйа жи Әԝ дит у тьрсийан. Ле Иса ԝе дәме дәнг да ԝан у гот: «Сәр хԝә бьн! Әз ьм. Нәтьрсьн!»

⁵¹Һьнге Әԝ кʼәтә ԛәйьке щәм ԝан у ба сәкьни. Шагьрт әʼщебмайи ман, һʼьше сәре ԝан чу,

⁵²чьмки әԝ ԛәԝьмандьна ль сәр нен һе сәре ԝанда рʼунәньштьбу, фәʼме ԝан дадайи бу.

⁵³Әԝ дәрбази ԝи бәри голе бун у ль алийе Щенисартева гьһиштьнә бәже, ԛәйик щи кьрьн.

⁵⁴Гава жь ԛәйьке пәйа бун, щьмәʼте перʼа-перʼа Иса нас кьр.

⁵⁵Әԝ тʼәмамийа ԝе ԛәзайе вьрда-ԝеда бәзин у дәстпекьрьн нәхԝәш ньвинава данинә ԝи щийе кӧ дьбьһистьн Иса ле бу.

⁵⁶Һәр щийед кӧ Иса дьчуйе, һәгәр бажар буна, гӧнд буна, бәргә буна, нәхԝәш базарада даданин у һиви же дькьрьн кӧ тʼәне ль рʼишийед кʼьнщед Ԝи кʼәвьн. У һʼәмуйед кӧ ле дькʼәтьн, жь нәхԝәшийед хԝә ԛәнщ дьбун.