Read Пәймана Ну (Инщил) Луԛа 3 Bible Online

Луԛа 3 - Пәймана Ну (Инщил) bible

Луԛа 3

¹Панздәһ салийа пʼадшатийа Тибәрйойе Ԛәйсәрда, Пилатойе Понтийо ԝәлийе Щьһустане бу, Һеродәс сәрԝере Щәлиле бу, Филипойе бьре ԝи сәрԝере ԛәза Итурйайе у Трахонидайе бу у Лусанйас сәрԝере Авелинйайе бу,

²Һәнан у Ԛәйафа жи сәрәккʼаһин бун. Һьнге хәбәра Хԝәде бәрʼийеда Йуһʼәннайе кӧрʼе Зәкәрийарʼа һат

³у Йуһʼәнна һатә һʼәму дор-бәред чʼәме Урдӧне даннасин дькьр, кӧ щьмәʼт жь гӧнәкьрьне вәгәрʼә у бь аве бе ньхӧмандьне, ԝәки Хԝәде ԝан бьбахшинә.

⁴Чаԝа кʼьтеба Ишайа пʼехәмбәрда ньвисар ә кӧ дьбежә: «Дәнге бәрʼийеда дькә гази: ‹Рʼийа Хӧдан һазьр бькьн у шьвәрʼийед Ԝи рʼаст бькьн.

⁵Һʼәму гәли бьра тʼьжи бьн, чʼийа-бани ньмьз бьн, рʼийед харо-маро рʼаст бьн у чʼәʼл-чʼул дуз бьн.

⁶У һәр кәсе азайийа Хԝәде бьбинә›»[23].

⁷Гәләк дьһатьнә щәм Йуһʼәнна, кӧ жь ԝи бенә ньхӧмандьне. Әԝи ԝанрʼа дьгот: «Чʼежькед мәʼра! Кʼе ԝәрʼа гот, кӧ һун жь хәзәба те бьрʼәвьн?

⁸Дә бь кьред ԛәнщ бьдьнә кʼьфше, кӧ һун жь гӧнәкьрьне вәгәрʼийанә. У рʼанәбьн нәбежьн: ‹Бьраһим баве мә йә›. Әз ԝәрʼа дьбежьм, кӧ Хԝәде жь ван кәвьра жи дькарә зарʼа Бьраһимрʼа дәрхә.

⁹Ва йә бьвьр ль сәр рʼаԝе даре йә. Һәр дара кӧ бәре ԛәнщ нәйнә, ԝе бе бьрʼине у авитьне нава егьр».

¹⁰Әʼлаләте жь ԝи пьрси у гот: «Ле әм чь бькьн?»

¹¹Әԝи ль ԝан вәгәрʼанд у гот: «Дӧ дәст кʼьнще кʼе һәнә, бьра йәки бьдә ԝи, йе кʼе кӧ тʼӧнә у хӧрәке кʼе һәйә, бьра диса ӧса бькә».

¹²Хәрщгьр жи һатьн кӧ бенә ньхӧмандьне у ԝирʼа готьн: «Дәрсдар, әм чь бькьн?»

¹³Әԝи ԝанрʼа гот: «Чьԛас жь ԝә те хԝәстьне жь ԝи зедәтьр нәстиньн».

¹⁴Әскәра жи жь ԝи пьрси: «Ле әм чь бькьн?» Әԝи ԝанрʼа гот: «Кәсәки нәшелиньн, бебәхтийе ль хәлԛе нәкьн у бь һәԛе хԝә рʼази бьн».

¹⁵Һʼәму һивийе бун у бона Йуһʼәнна дьле хԝәда дьготьн: «Гәло әв ә Мәсиһ?»

¹⁶Йуһʼәнна ль һʼәмуйа вәгәрʼанд у гот: «Әз ԝә бь аве дьньхӧминьм, ле Йәки жь мьн ԛәԝаттьр ԝе бе. Әз нә һежа мә бәне чарьхед Ԝи жи вәкьм. Әԝе ԝә пе Рʼӧһʼе Пироз у егьр бьньхӧминә.

¹⁷Мәлһʼәба Ԝи дәсте Ԝида йә. Әԝе бедәра Хԝә паԛьж кә, гәньм бькә әʼмбара Хԝә, ле кайе ԝе бь агьре кӧ натәмьрә бьшәԝьтинә».

¹⁸Аԝа Йуһʼәнна бь гәләк тьштед дьн жи хәлԛ ширәт дькьр у Мьзгини дьда.

¹⁹Ле гава Йуһʼәнна ль Һеродәсе сәрԝер жи һьлат бона Һеродийа жьна бьре ԝи у һʼәму хьрабийед кӧ ԝи дькьрьн,

²⁰һьнге Һеродәс сәр ван кьрьнада әв нәһәԛи жи кьр, кӧ Йуһʼәнна авитә кәле.

²¹Гава һʼәму щьмәʼт дьһатә ньхӧмандьне, Иса жи һатә ньхӧмандьне. Ԝе дәме кӧ дӧа дькьр, әʼзман вәбу

²²у Рʼӧһʼе Пироз бь бәдәни мина кәвоткәке сәр Ԝи дани у дәнгәк жь әʼзмен һат у гот: «Тӧ кӧрʼе Мьни дәлал и, кӧ Әз жь Тә рʼази мә».

²³Иса незики си сали бу, гава Әԝи дәст бь кʼаре Хԝә кьр у ԝан тʼьре Әԝ кӧрʼе Усьв бу, Усьве Әли,

²⁴Әлийе Мәтат, Мәтате Леԝи, Леԝийе Мәлкʼе, Мәлкʼейе Йаннай, Йаннайе Усьв,

²⁵Усьве Мәтитийа, Мәтитийайе Амос, Амосе Нәһум, Нәһуме Һәсли, Һәслийе Нәщай,

²⁶Нәщайе Мәһат, Мәһате Мәтитийа, Мәтитийайе Шемәйин, Шемәйине Йусех, Йусехе Йода,

²⁷Йодайе Йуһәнан, Йуһәнане Рʼеша, Рʼешайе Зәрубабәл, Зәрубабәле Шалтийел, Шалтийеле Нәри,

²⁸Нәрийе Мәлкʼе, Мәлкʼейе Еди, Едийе Ԛосам, Ԛосаме Елмәдам, Елмәдаме Әр,

²⁹Әре Йешу, Йешуйе Елийазер, Елийазере Йорим, Йориме Мәтат, Мәтате Леԝи,

³⁰Леԝийе Шьмһʼун, Шьмһʼуне Щьһуда, Щьһудайе Усьв, Усьве Йонам, Йонаме Елйаԛим,

³¹Елйаԛиме Мәлйо, Мәлйойе Мәна, Мәнайе Мәтитийа, Мәтитийайе Натʼан, Натʼане Даԝьд,

³²Даԝьде Йеша, Йешайе Овед, Оведе Боԝаз, Боԝазе Сәлмон, Сәлмоне Нәһшон,

³³Нәһшоне Аминадав, Аминадаве Админ, Админе Арам, Араме Һәсрун, Һәсруне Перес, Пересе Щьһуда,

³⁴Щьһудайе Аԛуб, Аԛубе Исһаԛ, Исһаԛе Бьраһим, Бьраһиме Тераһ, Тераһе Нәһор,

³⁵Нәһоре Сәрух, Сәрухе Рʼеԝо, Рʼеԝойе Пелег, Пелеге Әбәр, Әбәре Шәлаһ,

³⁶Шәлаһе Ԛенан, Ԛенане Арпәхшад, Арпәхшаде Сам, Саме Нӧһ, Нӧһе Ламәх,

³⁷Ламәхе Мәтушәла, Мәтушәлайе Һәнох, Һәнохе Йаред, Йареде Маһалалел, Маһалалеле Ԛенан,

³⁸Ԛенане Әнош, Әноше Сетʼ, Сетʼе Адәм у Адәме Хԝәде.