Read Пәймана Ну (Инщил) Йуһʼәнна 15 Bible Online

Йуһʼәнна 15 - Пәймана Ну (Инщил) bible

Йуһʼәнна 15

¹Әз ьм кʼола тьрийейә рʼаст, Баве Мьн жи рʼәзван ә.

²Һәр чʼьԛьле Мьнва кӧ бәр надә әԝ дьбьрʼә. Ле әԝ чʼьԛьле кӧ бәр дьдә жь чьрпийа паԛьж дькә, ԝәки һе гәләки бәр бьдә.

³Һун иди паԛьж ьн бь ԝе готьне йа кӧ Мьн ԝәрʼа готийә.

⁴Нав Мьнда бьминьн, Әз жи нав ԝәда. Чаԝа чʼьԛьл хԝәха нькарә бәр бьдә, һәгәр кʼолева нәминә, ӧса жи һун нькарьн, һәгәр Мьнва нәминьн.

⁵Әз ьм кʼола тьрийе, һун жи чʼьԛьл ьн. Әԝе кӧ Мьнва дьминә у Әз жи ԝива дьминьм, әԝе гәләки бәр бьдә. Чьмки бейи Мьн һун нькарьн тʼӧ тьшти бькьн.

⁶Һәгәр йәк Мьнва нәминә, әԝ мина чʼьԛьләки ԝеда авити йә, кӧ һʼьшк дьбә. У тʼоп дькьн давежьнә нава егьр дьшәԝьтиньн.

⁷Һәгәр һун нава Мьнда бьминьн у готьнед Мьн жи нава ԝәда бьминьн, һун чь дьхԝазьн бьхԝазьн, ԝе ԝәрʼа бе дайине.

⁸Бь ве йәке Баве Мьне бе рʼумәткьрьне, гава һун пе гәләк бәрдайине бьдьнә кʼьфше, кӧ һун бунә шагьртед Мьн.

⁹Бав чаԝа Мьн һʼьз дькә, Әз жи ӧса ԝә һʼьз дькьм. Һʼьзкьрьна Мьнда бьминьн.

¹⁰Һәгәр һун тʼәмийед Мьн хԝәй кьн, һуне һʼьзкьрьна Мьнда бьминьн, чаԝа кӧ Мьн тʼәмийед Баве Хԝә хԝәй кьрьн у һʼьзкьрьна Ԝида дьминьм.

¹¹Мьн әв йәкана ԝәрʼа готьн, ԝәки шабуна Мьн нава ԝәда бьминә у шабуна ԝә тʼәмам бә.

¹²Әв ә тʼәмийа Мьн: Һәвдӧ һʼьз бькьн, чаԝа кӧ Мьн һун һʼьз кьрьн.

¹³Тʼӧ һʼьзкьрьн сәр ԝе һʼьзкьрьнерʼа тʼӧнә, кӧ йәк әʼмьре хԝә бәр достед хԝәва бьдә.

¹⁴Һун достед Мьн ьн, һәгәр һун ԝан тʼәмийед кӧ Әз дьдьмә ԝә хԝәй дькьн.

¹⁵Жь вьр шунда Әз ԝә ‹хӧлам› һʼәсаб накьм, чьмки хӧлам һаш пе тʼӧнә кӧ ахайе ԝи чь дькә. Мьн һун дост һʼәсаб кьрьн, чьмки һәр тьштед кӧ Мьн жь Баве Хԝә бьһистьн ԝәва данә әʼйанкьрьне.

¹⁶Нә кӧ ԝә Әз бьжартьм, ле Мьн һун бьжартьн у кʼьфш кьрьн, ԝәки һун һәрʼьн бәр бьдьн у бәре ԝә бьминә. Һьнге һун чь кӧ пе наве Мьн жь Баве бьхԝазьн, Әԝе бьдә ԝә.

¹⁷Әз тʼәмийа ве йәке дьдьм, кӧ һун һәвдӧ һʼьз бькьн.

¹⁸Һәгәр дьнйа бьжәнә ԝә, бьзаньбьн кӧ бәри ԝә жәнийайә Мьн.

¹⁹Һәгәр һун пʼара дьнйайе буна, дьнйайе йед хԝә һʼьз бькьра. Ле Мьн һун жь дьнйайе бьжартьнә, һун нә пʼара дьнйайе нә, ләма дьнйа дьжәнә ԝә.

²⁰Ԝе хәбәра кӧ Мьн ԝәрʼа готийә биньнә бира хԝә, кӧ: ‹Хӧлам нә сәр ахайе хԝәрʼа йә›. Һәгәр Әз зерандьмә, ԝе ԝә жи бьзериньн. Һәгәр готьна Мьн хԝәй кьрьнә, ԝе готьна ԝә жи хԝәй кьн.

²¹Ле ван һʼәму тьшта бона наве Мьн ԝе биньнә сәре ԝә, чьмки Ԝи нас накьн, Йе кӧ Әз шандьмә.

²²Һәгәр Әз нәһатама у Мьн ԝанрʼа хәбәр нәда, гӧнед ԝане тʼӧнәбуна. Ле әԝ ньһа нькарьн щаба гӧнед хԝә бьдьн.

²³Әԝе кӧ дьжәнә Мьн, әԝ дьжәнә Баве Мьн жи.

²⁴Һәгәр Мьн нав ԝанда нәкьрана, әԝ кьред кӧ тʼӧ кәси нәкьрьнә, гӧнед ԝане тʼӧнәбуна. Ле ньһа дитьн, һьн жәнийанә Мьн, һьн жи Баве Мьн.

²⁵Ле бәле әв йәк бу, ԝәки әԝ готьна кӧ Ԛануна ԝанда һатийә ньвисаре бе сери: ‹Щики бадиһәԝа жәнийанә Мьн›[45].

²⁶Гава әԝ Пьштован бе, кʼижани Әзе жь Баве ԝәрʼа бьшиньм, әԝ Рʼӧһʼе кӧ ԝе рʼастийе ԝәрʼа гьли кә, Йе кӧ жь Баве дәрте, һьнге Әԝе бона Мьн шәʼдәтийе бьдә.

²⁷Һуне жи шәʼдәтийе бьдьн, чьмки сәре серида һун тʼәви Мьн бунә.