Read Пәймана Ну (Инщил) Кʼаред Шандийа 18 Bible Online

Кʼаред Шандийа 18 - Пәймана Ну (Инщил) bible

Кʼаред Шандийа 18

¹Жь ԝьр шунда Паԝлос жь Атʼине рʼекʼәт һатә Корьнтʼе.

²Ль ԝьр йәки щьһу наве ԝи Акила дит, буйина хԝәда жь Понтосе. Әва тʼәви кʼӧлфәта хԝә Прьскилайе ну жь Италйайе һатьбу, чьмки Ԛәйсәр Клаԝдйо әʼмьр кьрьбу, кӧ һʼәму щьһу жь Рʼоме дәркʼәвьн. Паԝлос чу щәм ԝан,

³щәм ԝан ма у тʼәви ԝан хәбьти, чьмки пʼеше ԝан йәк бу, кон чедькьрьн.

⁴Әԝ һʼәму рʼожед шәмийа кʼьништада щьһу у йунанарʼа дькʼәтә хәбәрдане, әԝ дьданә баԝәркьрьне.

⁵Гава Силас у Тимотʼейо жь Мәкәдонйайе һатьн, Паԝлос бь хирәт тʼәмамийа ԝәхте хԝә да һинкьрьна Хәбәре[114] у щьһуйарʼа шәʼдәти дьда кӧ Мәсиһ, Иса йә.

⁶Гава әԝ мьԛабьли ԝи рʼабун у әԝ беһӧрмәт кьрьн, әԝи кʼьнще хԝә даԝшанд у готә ԝан: «Хуна ԝә сәре ԝә бә, әз бесущ ьм. Жь вьр шунда әзе һәрʼьмә щәм нәщьһуйа».

⁷Әԝ һьнге жь ԝьр чу кʼәтә мала йәки наве ԝи Тито Йусто. Әԝ мәрьвәки нәщьһу бу, ле хԝәдебаԝәр бу, мала ԝи кʼеләка кʼьниште бу.

⁸Кьриспойе сәрԝере кʼьниште жи нәфәред хԝәва баԝәрийа хԝә Хӧдан ани у жь корьнтʼийа гәләка кӧ бьһистьн, баԝәр кьрьн у пе аве һатьнә ньхӧмандьне.

⁹Шәвәке Хӧдан дитьнокеда һатә бәр чʼәʼве Паԝлос у готе: «Нәтьрсә, хәбәр дә у хԝә кәрʼ нәкә.

¹⁰Чьмки Әз тʼәви тә мә у кәсәке бәр тә рʼанәбә зийане нәдә тә, чьмки гәләк щьмәʼта Мьн ви бажарида һәйә».

¹¹Әԝ ль ԝе дәре саләке у шәш мәһа ма, әԝ һини хәбәра Хԝәде дькьрьн.

¹²Һена ԝәлийе Галийойе Ахайайеда щьһу бунә йәк, һʼьщуми сәр Паԝлос кьрьн у бьрьнә бәр диԝане

¹³готьн: «Әва щьмәʼте һин дькә, кӧ нә ль гора ԛануне Хԝәде бьһʼәбиньн».

¹⁴Гава Паԝлос ԝе дәстпекьра хәбәр да, Галийо щьһуйарʼа гот: «Һәгәр гьли бона нәһәԛийе у хьрабийе буйа, щьһуно, дьбу кӧ мьн гӧһдарийа ԝә бькьра,

¹⁵ле һәгәр пьрс сәр хәбәра, нава у ԛануна ԝә йә, һун хԝәха бьньһерʼьн. Әз нахԝазьм бьбьмә һʼакьме ван тьшта».

¹⁶У әԝ жь диԝанхане дәрхьстьн.

¹⁷Һьнге һʼәмуйа Состенисе сәрԝере кʼьниште гьртьн, ль бәр диԝанхане кʼӧтан, ле ԛәт хәма Галийо жи нибу.

¹⁸Паԝлос гәләк рʼожа диса ль ԝьр ма, паше хатьре хԝә жь баԝәрмәнда хԝәст, бь гәмийе чу алийе Сурйайе. Прьскила у Акила жи тʼәви ԝи бун. Әԝи Кәнхерйайеда пʼорʼе хԝә кӧрʼ кьрьбу, чьмки ад-ԛьраркьри[115] бу.

¹⁹Әԝ гьһиштьнә Әфәсе, Прьскила у Акила ль ԝьр һьштьн, хԝәха кʼәтә кʼьниште щьһуйарʼа кʼәтә хәбәрдане.

²⁰Ԝана һиви жь ԝи кьр, кӧ һьнәки дьреж ль ԝьр бьминә, әԝ ԛайл нәбу.

²¹Ле гава хатьре хԝә жь ԝан хԝәст, гот: «Әзе диса сәр ԝәда бем, һәгәр Хԝәде һʼьз бькә»[116]. Бь гәмийе жь Әфәсе чу.

²²Гава гьһиштә Ԛәйсәрийе, һәвраз чу Оршәлиме сьлав да щьвине, паше бәржер чу Әнтакйайе.

²³Гава һьнәк ԝәхт ль ԝьр ма, рʼабу бәрева кʼәтә ԝәлате Галатйа у Фьригйа, һʼәму шагьрт баԝәрийеда дьшьдандьн.

²⁴Щьһуки наве ԝи Аполо, буйина хԝәда жь Скәндәрйайе, һатә Әфәсе. Әва готьнбежәки сәрхԝә у ньвисаред пирозда занәки зор бу.

²⁵Әԝ Рʼийа Хӧданда һинбуйи бу, агьре хирәте сери кʼәтьбу[117] бона Иса рʼаст хәбәр дьда у һин дькьр, ле тʼәне ньхӧмандьна Йуһʼәнна заньбу.

²⁶Әви дәстпекьр кʼьништеда меркʼими хәбәр да. Ле гава Прьскилайе у Акила хәбәрдана ԝи бьһистьн, әԝ бьрьнә щәм хԝә, һе рʼаст Рʼийа Хԝәде ԝирʼа шьровәкьрьн.

²⁷Аполо кӧ хԝәст һәрʼә Ахайайе, бьра дьл данә бәр у шагьртарʼа жи нәʼмәк ньвисин кӧ ԝи ԛәбул кьн. Гава гьһиштә ԝьр, әԝ гәләки кери ԝан һат, йед кӧ бь кʼәрәма Хԝәде бьбунә баԝәрмәнд.

²⁸Чьмки бь щьмәʼти хәбәрданеда йа ԝи ль сәр йа щьһуйа дькʼәт, бь ньвисаред пироз дьда избаткьрьне, кӧ Мәсиһ, Иса йә.