Read Пәймана Ну (Инщил) Рʼомайи 1 Bible Online

Рʼомайи 1 - Пәймана Ну (Инщил) bible

Рʼомайи 1

¹Жь Паԝлос, хӧламе Мәсиһ Иса, шандитийерʼа газикьри, бона бәлакьрьна ԝе Мьзгинийа Хԝәдейә кʼьфшкьри,

²йа кӧ Ԝи һе пешда ньвисаред пирозда бь заре пʼехәмбәред Хԝә соз дабу.

³Әва Мьзгинийа бона Кӧрʼе Ԝи, Хӧдане мә Иса Мәсиһ ә, кӧ бь бәдәни жь зӧрʼәта Даԝьд бу у бь Рʼӧһʼе Пирозийе, гава жь мьрьне рʼабу, ԛӧдрәтеда чаԝа Кӧрʼе Хԝәде хӧйа бу.

⁵Бь Ԝи мә кʼәрәма шандитийе станд, ԝәки бона наве Ԝи һʼәму мьләта һин кьн, кӧ баԝәр бькьн у гӧһдар бьн.

⁶Һун жи нава ԝанда һатьнә газикьрьне, кӧ бьбьнә пʼара Иса Мәсиһ.

⁷Жь ԝә һʼәмуйарʼа, һʼьзкьрийед Хԝәдейә пирозбунерʼа газикьри, кӧ Рʼомайеда дьминьн, кʼәрәм у әʼдьлайи бә, жь Хԝәдейе Баве мә у Хӧдан Иса Мәсиһ.

⁸Бәре пешьн әз бь дәсте Иса Мәсиһ бона ԝә һʼәмуйа рʼазибуне дьдьмә Хԝәдейе хԝә, чьмки баԝәрийа ԝә тʼәмамийа дьнйайеда те готьне.

⁹Хԝәде шәʼде мьн ә, әԝ Хԝәдейе кӧ әз нава Мьзгинийа Кӧрʼе Ԝида бь дьл у щан хӧламтийе дькьм, әз һәр гав ԝә бир тиньм

¹⁰у тʼьме нава дӧайед хԝәда һиви дькьм, кӧ бь әʼмьре Хԝәде щарәке рʼе бькʼәвә мьн, сәр ԝәда бем.

¹¹Чьмки әз гәләки һʼәйра дитьна ԝәда мә, ԝәки пʼешкʼешәкә рʼӧһʼани бьгьһиньмә ԝә, кӧ һун баԝәрийеда бьшьдьн.

¹²Аԝа готи әз жи тʼәви ԝә, әм дьл бьдьнә бәр һәв, бь ԝе баԝәрийа мьн у ԝәйә һәр дӧ алийава.

¹³Әз дьхԝазьм кӧ һун заньбьн хушк-бьрано, ԝәки гәләк щара мьн хԝәстийә бемә щәм ԝә, кӧ кʼәда мьн нава ԝәда жи һәбә, чаԝа нава нәщьһуйед майинда, ле һʼәта ньһа рʼе нәкʼәтийә мьн[1].

¹⁴Әз борщдаре һʼәму мьләта мә, һьн йе йунанед пешдачуйи у һьн жи йе мьләтед пашдамайи, дәйндаре сәрԝахта у бефәʼма мә.

¹⁵Аԝа әз бь дьл у щан дьхԝазьм Мьзгинийе бьдьмә ԝә жи, йед кӧ Рʼомайеда дьминьн.

¹⁶Бәле әз Мьзгинийе шәрм һʼәсаб накьм, чьмки әԝ ԛәԝата Хԝәде йә, бона хьлазбуна һʼәму баԝәрмәнда, пешийе бона щьһуйа, паше нәщьһуйа.

¹⁷Чьмки Мьзгини дьдә кʼьфше, кӧ Хԝәде чаԝа мәрьва рʼаст һʼәсаб дькә, дькә кьрасе хԝә[2], әв йәк жь сери һʼәта бьни бь баԝәрийе йә, чаԝа ньвисар ә: «Йе рʼаст ԝе бьжи, чьмки баԝәр дькә»[3].

¹⁸Хәзәба Хԝәде жь әʼзмен сәр һʼәму бехԝәдети у нәһәԛийа ԝан мәрьва хӧйа дьбә, кʼижан кӧ бь нәһәԛийед хԝә наһельн кӧ рʼасти хӧйа бә.

¹⁹Чьмки чь кӧ гәрәке бона Хԝәде бьзаньбьн ԝанва әʼйан ә, чьмки Хԝәде ԝанва әʼйан кьрийә.

²⁰Рʼаст жь әʼфьрандьна дьнйайеда һʼӧнӧред Ԝийә нәхӧйа, аԝа готи ԛӧдрәта Ԝийә һʼәта-һʼәтайе у Хԝәдетийа Ԝи бь әʼфьрина хӧйа дьбьн, зәлал тенә дитьне. Бь ви аԝайи кәс нькарә щабе бьдә.

²¹Бәле ԝан Хԝәде нас дькьр, ле пәсьне Ԝи нәдан чаԝа Хԝәде, нә жи жь Ԝи рʼази бун, ле бәле әԝ нава фькьред хԝәда пʼучʼ бун у жь дәст бефәʼмийе шуна рʼәшва чун.

²²Ԝана гот: «Әмә сәрԝахт ьн», ле бефәʼм дәркʼәтьн

²³у рʼумәта Хԝәдейе нәмьри шькьле мәрьве пʼучʼи-мьри, тәйрәда, чарпʼе у шулькийарʼа гӧһерʼин[4].

²⁴Ләма жи Хԝәде әԝ бь хԝәстьна дьле ԝан данә дәсте һʼәрамийе, кӧ бәдәна хԝә нава һәвда бьһʼәрʼьминьн.

²⁵Ԝана рʼастийа һьндава Хԝәдеда дәрәԝийерʼа гӧһерʼин у сәре хԝә ль бәр әʼфьрина данин, әԝ һʼәбандьн, нә кӧ Әʼфьрандаре һʼәта-һʼәтайе кӧ һежайи шькьрийе йә. Амин.

²⁶Бона ве йәке Хԝәде әԝ данә бенамусийе, һʼәта жьнед ԝан жи һʼәԝщәтийа хԝәйә әʼдәте дьне һʼәԝщәтийа әкʼсиәʼдәтийерʼа гӧһерʼин.

²⁷Ӧса жи мера һʼәԝщәтийа жьнайә әʼдәти һьштьн, пе тәмед хԝәйә хьраб бь һәврʼа шәԝьтин, мера тʼәви мера рʼобәти дькьр у һәԛе жьрʼекʼәтьна хԝәйә ԛазьнщкьри һьлдьданә сәр хԝә.

²⁸У чаԝа ԝана нәхԝәст Хԝәде занәбуна хԝәда хԝәйкьрана, Хԝәде жи әԝ данә фькьред бетʼәԝшә, кӧ әԝана тьштед нәщайиз бькьн.

²⁹Әвана һәр нәһәԛийе, нәԛәнщийе[5], тьмайийе, хьрабийава тʼьжи нә: Бь һʼәвсудийе, меркӧжийе, бәрзәԛийе, мьхәнәтийе, хернәхԝазийева дагьрти, гьлигәрʼо,

³⁰бӧхданбеж, нәхԝәдеһʼьз, бешәрм, позбьльнд, кʼӧбар-бабах, йе хьрабийе чедькә, нә гӧрʼа де-бавада,

³¹бефәʼм, беамьн, беисаф, берʼәʼм.

³²Бәле әвана һаш жь ԛануна Хԝәде һәнә, кӧ йед ван тьшта дькьн һежайи мьрьне нә, ле бәле нә кӧ тʼәне ван тьшта дькьн, ле һавьжийа хԝә жь кьрийа жи тиньн.