Read Пәймана Ну (Инщил) Рʼомайи 11 Bible Online

Рʼомайи 11 - Пәймана Ну (Инщил) bible

Рʼомайи 11

¹Аԝа әз дьпьрсьм: Гәло Хԝәде дәст жь щьмәʼта Хԝә кьр? На хер! Әз хԝәха жи исраели мә, жь зӧрʼәта Бьраһим ьм, жь ԛәбила Бьнйамин[75].

²Хԝәде дәст жь щьмәʼта Хԝә нәкьр, кʼижан пешда бьжартьбу. Йан һун ньзаньн сәрһатийа Елйасда ньвисар чь дьбежә чаԝа, ԝи шькийате Исраеле ль Хԝәде дькьр дьгот?

³«Хӧдан, пʼехәмбәред Тә кӧштьн, горигәһед Тә хьраб кьрьн, тʼәне әз мамә у пәй мьн жи кʼәтьнә кӧ бькӧжьн»[76].

⁴Ле щаба Хԝәде чь бу? «Мьн Хԝәрʼа һʼәфт һʼәзар мәри хԝәй кьрьнә, йед кӧ ль бәр Баәʼл чок нәданә»[77].

⁵Ӧса жи ньһа ви зәманида һьнәкә бь кʼәрәма Хԝәде бьжарти манә.

⁶У һәгәр бь кʼәрәме йә, иди нә жь кьра йә, һәгәр ӧса буйа, кʼәрәм иди нәдьбу кʼәрәм.

⁷Иди чь? Исраел нәгьһиштә ԝе чь кӧ дьгәрʼийа, ле йед бьжарти гьһиштьне у йед майин кор бун,

⁸чаԝа ньвисар ә: «Хԝәде шәвәрʼәша кора ани сәр ԝан, кӧ бь чʼәʼва нәбиньн у бь гӧһа нәбьһен, һʼәта рʼожа иройин»[78].

⁹У Даԝьд дьбежә: «Дә бьра тʼәхт-сьфьред ԝан ль ԝан бьбьнә тʼорʼ у тʼәләк, ԛәдә-бәла жи һәԛе ԝан бә.

¹⁰Бьра ава рʼәш бе сәр чʼәʼвед ԝан, нәбиньн у пьшта ԝан тʼьме тәԝийайи бә».[79]

¹¹Аԝа әз дьпьрсьм: Гәло әԝ жь рʼе дәркʼәтьн, кӧ ӧнда бьн? На хер! Ле нәһәԛийа ԝан бу сәбәбе хьлазбуна нәщьһуйа, кӧ позе ԝан жи бьшәԝьтә.

¹²Һәгәр нәһәԛийа ԝан бу сәбәб кӧ дьнйа дәԝләти бә у кʼәтьна ԝан бу сәбәб кӧ нәщьһу дәԝләти бьн, ле ԝе һе чьԛас кʼар бә гава тʼәмамийа ԝан хьлаз бә!

¹³Ньһа әз ԝә нәщьһуйарʼа дьбежьм: Бәле әз шандийе нәщьһуйа мә, ԛӧльхе хԝә бьльнд дькьм,

¹⁴бәлки бькарьбьм позе йед жь хун у гоште хԝә бьдьмә шәԝате у жь ԝан һьнәка жи хьлаз кьм.

¹⁵Чьмки һәгәр тʼәхсирбуна ԝан бу сәбәбе льһәвһатьна дьнйайе тʼәви Хԝәде, иди ле ԛәбулбуна ԝане бьбә чь, һәгәр нә сахбуна мьрийа?

¹⁶Һәгәр гьрька һәвир, чаԝа бәре дәрәмәта пешьн Хԝәдерʼа дайи һʼәлал ә, кӧ ӧса йә тʼәмамийа шкәве пева һʼәлал ә[80]. У һәгәр рʼаԝ пироз ьн, чʼьԛьл жи перʼа пироз ьн.

¹⁷Һәгәр жь ԝан чʼьԛьла һьнәк шкәстьн, ле тӧ, нәщьһу дара зәйтʼунейә бәйани буйи, дәԝса ԝан һати сәрвакьрьне у тʼәви ԛьнйата рʼаԝед зәйтʼуне буйи,

¹⁸тӧ дьле хԝә ль ԝан чʼьԛьлед шкәсти ша нәкә. Ле һәгәр дьле хԝә ша ки, бир бинә, ԝәки нә кӧ тә рʼаԝ жор гьртьнә, ле рʼаԝа тӧ гьртийи.

¹⁹Иди те бежи: «Чʼьԛьл шкәстьн, ԝәки әз бемә сәрвакьрьне».

²⁰Рʼаст ә. Әԝана жь дәст нәбаԝәрийе шкәстьн у тә бь баԝәрийе һʼим гьрт. Кʼӧбар нәбә, ле бьтьрсә.

²¹Чьмки һәгәр һʼәйфа Хԝәде чʼьԛьлед бьнйатʼи нәһат, һʼәйфа Ԝи ԝе тә жи нәйе.

²²Аԝа дина хԝә бьдә ширьнайи у һʼьшкийа Хԝәде, Әԝ һʼьшк ә һьндава жь рʼекʼәтийада у ширьн ә һьндава тәда, һәгәр нава ширьнайийеда бьмини. Ле һәгәр на, те жи бейи бьрʼине.

²³Ле һәгәр щьһу нава нәбаԝәрийеда нәминьн, ԝе бенә сәрвакьрьне, чьмки Хԝәде диса дькарә ԝан сәрвакә.

²⁴Чьмки һәгәр тӧ, нәщьһу ԝәки бьнйатʼа хԝәда чʼьԛьле зәйтʼуна бәйани буйи у һати бьрʼин, сәр ԝе зәйтʼуна ԛәнщә нә жь бьнйатʼа хԝә һати сәрвакьрьне, ле һе чьԛас рʼьһʼәт әԝе кӧ чʼьԛьлед бьнйатʼи нә, ԝе сәр зәйтʼуна хԝә бенә сәрвакьрьне.

²⁵Әз нахԝазьм хушк-бьрано, кӧ һун һаш жь ве сӧрʼе тʼӧнәбьн, кӧ һун хԝә дәԝса зана данәйньн. Пʼарәкә мьләте Исраеле ԝе сәрһʼьшк бьминә, һʼәта һʼәсабе ԝан нәщьһуйед кӧ ԝе хьлаз бьн тʼәмам бә.

²⁶Бь ви аԝайи тʼәмамийа Исраеле ԝе хьлаз бә, чаԝа ньвисар ә: «Азакьр ԝе жь Сийоне бе у бехԝәдетийе жь Аԛуб дур хә.

²⁷У әв ә пәймана Мьнә тʼәви ԝан, гава Әз гӧнед ԝан һьлдьм»[81].

²⁸Мьзгинийе кӧ дьньһерʼи, әԝана дьжмьн ьн бона хатьре ԝә, ле бьжартьне кӧ дьньһерʼи, әԝана һʼьзкьри нә, бона хатьре кал-бавед ԝан.

²⁹Чьмки Хԝәде кʼижана дьбьжерә у пʼешкʼеша дьдә кʼе, ԝе йәкеда нә пʼошман ә.

³⁰Чаԝа ԝә жи ԝәхтәке гӧһдарийа Хԝәде нәдькьр, ле ньһа бь нәгӧһдарийа ԝана ԝә рʼәʼм дит,

³¹ӧса жи әԝана ньһа бунә нәгӧһдар, ԝәки бь рʼәʼмдитьна ԝә әԝ жи рʼәʼме бьбиньн.

³²Чьмки Хԝәде һʼәму кьрьнә гьртийед нәгӧһдарийе, ԝәки һʼәмуйа жи бе рʼәʼме.

³³Чьԛаси кʼур ьн дәԝләмәндти, сәрԝахти у занәбуна Хԝәде! Ԛьраред Ԝи чьԛаси жь һʼьш-аԛьла дур ьн у кәс сәрәдәрийе жь рʼийед Ԝи накә![82]

³⁴Чаԝа ньвисар ә: «Кʼе нета Хӧдан пе һʼәсийа? Йан кʼе бу ширәткʼаре Ԝи?[83]

³⁵Йан кʼе пешда тьштәк дайә Ԝи, ԝәки Әԝ диса ль ԝан вәгәрʼинә?»[84]

³⁶Чьмки һәр тьшт жь Ԝи, бь Ԝи у бона Ԝи нә. Шькьр жь Ԝирʼа һʼәта-һʼәтайе. Амин[85].