Read Пәймана Ну (Инщил) Корьнтʼи I 11 Bible Online

Корьнтʼи I 11 - Пәймана Ну (Инщил) bible

Корьнтʼи I 11

¹Чʼәʼв бьдьнә мьн, чаԝа әз жи чʼәʼв дьдьмә Мәсиһ[54].

²Әз пʼәйе ԝә дьдьм, ԝәки һун һʼәму дәрәщада мьн бир тиньн у әԝ рʼаԝ-рʼьзьмед кӧ мьн данә ԝә пек тиньн.

³Ле әз дьхԝазьм кӧ һун заньбьн ԝәки сәре һәр мери Мәсиһ ә, сәре жьне мер ә у сәре Мәсиһ Хԝәде йә.

⁴Һәр мере кӧ сәрньхамти дӧа йан пʼехәмбәртийе дькә, әԝ сәре хԝә беһӧрмәт дькә.

⁵У һәр кʼӧлфәта кӧ сәрԛот дӧа йан пʼехәмбәртийе дькә, әԝ сәре хԝә беһӧрмәт дькә. Әԝ дьбә мина йәкә пʼорʼкӧрʼкьри.

⁶Аԝа готи, һәгәр кʼӧлфәт сәре хԝә нәньхемә, бьра пʼорʼе хԝә жи бьбьрʼә. Ле һәгәр кʼӧлфәтерʼа әʼйб ә, кӧ пʼорʼе хԝә бьбьрʼә йан бьдә бәр дузан, кӧ ӧса йә бьра сәре хԝә бьньхемә.

⁷Нә щайиз ә мер сәре хԝә бьньхемә, чьмки әԝ сурәт у рʼумәта Хԝәде йә, ле жьн рʼумәта мер ә.

⁸(Чьмки нә кӧ мер жь жьне йә, ле жьн жь мер ә[55]

⁹у мер бона жьне нәхӧльԛи, ле жьн бона мер.)

¹⁰Бона ве йәке гәрәке кʼӧлфәт сәре хԝә бьньхемә, чаԝа нишана бьн һʼӧкӧмда, бона мьлйакʼәтед кӧ дьбиньн[56].

¹¹Ле бәле йәктийа Хӧданда нә жьн бе мер дьбә, нә жи мер бе жьн.

¹²Чьмки чаԝа жьн жь мер ә, ӧса жи мер жь жьне йә, ле һʼәму жи жь Хԝәде нә.

¹³Һун хԝәха бьдьнә бәр һʼьша, гәло жь кʼӧлфәте дькʼәвә, ԝәки сәрԛот бәр Хԝәде дӧа бькә?

¹⁴Нә тʼәбийәт жи ԝә һин дькә, кӧ пʼорʼе дьреж рʼәԝша мер давежә?

¹⁵Ле рʼәԝша жьне пʼорʼе дьреж ә, чьмки әԝ пʼорʼ жерʼа бона ньхамтьне һатийә дайине.

¹⁶Ле һәгәр йәк бьхԝазә ве йәкерʼа бькʼәвә дәʼԝе, әʼдәтәки мәйи дьн тʼӧнә у нә жи йе щьвинед Хԝәде.

¹⁷Ле ве тʼәмийеда әз пʼәйе ԝә надьм, чьмки гава һун дьщьвьн, әԝ набә кʼара ԝә, ле зийана ԝә.

¹⁸Бәри һәр тьшти, әз дьбьһем, гава кӧ һун дьщьвьнә щьвине, нава ԝәда дьбә дӧтирәти у кем-зедә әз баԝәр дькьм.

¹⁹Бәле, әʼсәйи дӧтирәти ԝе бькʼәвә нава ԝә, ԝәки йед нава ԝәдайә жьбарә кʼьфш бьн.

²⁰Аԝа һун кӧ дьщьвьнә щики, әва набә шива Хӧдан кӧ һун дьхԝьн,

²¹чьмки гава һәр йәк жь ԝә дьхԝә, һʼәщә-һʼәща ԝи йә сәр шиве дькʼәвә. Йәк бьрʼчи дьминә у йе дьн кʼефхԝәш дьбә.

²²Чьма малед ԝә тʼӧнәнә, кӧ һун ԝанда бьхԝьн у вәхԝьн? Йан чьма щьвина Хԝәде беһӧрмәт дькьн у дәсттәнга дьдьнә шәрме? Әз чь ԝәрʼа бежьм? Пʼәйе ԝә бьдьм бона ве йәке? Әз ве йәке нькарьм!

²³Мьн әв йәк жь Хӧдан станд у да ԝә, кӧ Хӧдан Иса ԝе шәва кӧ һатә нәмамкьрьне, нан һьлда

²⁴шькьри да, кәркьр у гот: «Әва бәдәна Мьн ә бона ԝә. Ве йәке бона биранина Мьн бькьн».

²⁵Ӧса жи кʼас пәй шиверʼа һьлда у гот: «Әва кʼаса пәймана ну йә, пе хуна Мьн гьредайи. Ве йәке бона биранина Мьн бькьн, чь щар гава һун же вәхԝьн»[57].

²⁶Һәр щар, гава һун ви нани бьхԝьн у жь ве кʼасе вәхԝьн, мьрьна Хӧдан бькьнә дәнги, һʼәта һатьна Ԝи.

²⁷Аԝа кʼи бь нәлайиԛи нане Хӧдан бьхԝә йан кʼаса Ԝи вәхԝә, ԝе дәйндаре бәдән у хуна Ԝи бә.

²⁸Ләма бьра мәрьв пешийе дьле хԝә бьньһерʼә у паше жь ԝи нани бьхԝә у жь ԝе кʼасе вәхԝә.

²⁹Чьмки кʼи бьхԝә у вәхԝә у фәʼмина бәдәна Хӧдан[58] ньзаньбә, әԝ диԝана хԝә дьхԝә у вәдьхԝә.

³⁰Ләма жи нава ԝәда гәләк нәхԝәш у хԝәйизәдә һәнә у һьнәк жи мьрьнә.

³¹Ле һәгәр мә диԝана хԝә бькьра, диԝана мәйе нәһата кьрьне,

³²ле гава диԝана мә бьбә, әм жь Хӧдан тенә ширәткьрьне, ԝәки диԝана мә тʼәви дьнйайе нәбә.

³³Аԝа хушк-бьрайед мьн, гава бона шива Хӧдан бьщьвьн, һивийа һәвдӧ бьсәкьньн.

³⁴Ле һәгәр йәк бьрʼчи йә, бьра мала хԝәда бьхԝә, кӧ нәбә, гава һун бьщьвьн, диԝане сәр хԝәда биньн. Бона пьрсед майин, гава бем әзе һьнге сафи кьм.