Read Пәймана Ну (Инщил) Корьнтʼи I 5 Bible Online

Корьнтʼи I 5 - Пәймана Ну (Инщил) bible

Корьнтʼи I 5

¹Дәнг һәйә кӧ нава ԝәда бенамуси жи һәйә у әԝ жи бенамусикә ӧса, ԝәки нава пʼутпʼарьстада жи тʼӧнә, кӧ йәк дәст давежә демарʼийа хԝә[19].

²У һун жь кʼӧбарийе һʼьрʼ бунә! Нә гәрәке ԝә шин бькьра у йе хԝәйе ви кьри жь нава хԝә дәрхьста?

³Ле бәле чаԝа әз бәдәни нә нава ԝәда мә, ле рʼӧһʼе хԝәда һазьр ьм у чаԝа йәки һазьр, мьн иди бона йе ви тьшти дькә ԛьрара хԝә бь наве Хӧдане мә Иса дайә. Гава һун щики дьщьвьн, рʼӧһʼе мьн жи тʼәви ԝә, бь ԛәԝата Хӧдане мә Иса

⁵ԝи мәрьви бьдьнә дәсте мирещьн, кӧ ԛальбе ԝи ӧнда бә у рʼӧһʼе ԝи хьлаз бә Рʼожа Хӧданда.

⁶Нә ԛәнщ ә кӧ һун фьрʼнаԛ дьбьн! Гәло һун ньзаньн кӧ һьнәк һәвиртьрʼшк тʼәмамийа шкәве һьлтинә?

⁷Ви һәвиртьрʼшке кәвьн жь хԝә дур хьн, кӧ һун бьбьнә һәвире нуйи бе һәвиртьрʼшк, чаԝа һун ӧса нә жи. Чьмки Бәрхе мәйи Щәжьна Дәрбазбуне, аԝа готи Мәсиһ бона мә һатә сәржекьрьне.

⁸Дә әм ве щәжьне дәрбаз кьн, нә кӧ бь һәвиртьрʼшке кәвьни нәһәԛийе у хьрабийе, ле бь нане бе һәвиртьрʼшк, бь нане һʼәлалийе у рʼастийе[20].

⁹Мьн ԝәрʼа нәʼмеда ньвисибу, кӧ тʼәви ԛава нәбьн.

¹⁰Нә кӧ готьна мьн дәрһәԛа ԛава, тьмакʼара, тʼаланкьр йан пʼутпʼарьстед ве дьнеда бу. Һәгәр ӧса буйа, гәрәке һун лап жь дьне дәркʼәтана.

¹¹Ле бәле мьн ԝәрʼа ньвиси, кӧ һун тʼәви ԝи нәбьн, йе кӧ наве хԝәденасийе сәр ә, ле ԛав ә, тьма йә, пʼутпʼарьст ә, бӧхданбеж ә, сәрхԝәш ә, йан жи тʼаланкьр ә. Тʼәви йе ӧса һʼәта нен жи нәхԝьн!

¹²Чи мьнрʼа йә әз диԝана йед жь щьвине дәр бькьм? Хԝәде ԝе диԝана ԝан бькә. Ле диԝана йед щьвинеда дәстед ԝәда йә. Аԝа чаԝа ньвисар ә: «Мәрьве хьраб жь нава хԝә дәрхьн»[21].