Read Пәймана Ну (Инщил) Корьнтʼи II 2 Bible Online

Корьнтʼи II 2 - Пәймана Ну (Инщил) bible

Корьнтʼи II 2

¹Аԝа мьн хԝәха хԝәрʼа ԛьрар кьр кӧ диса нәйем дьле ԝә бешиньм.

²Чьмки һәгәр әз дьле ԝә бешиньм, иди кʼе ԝе дьле мьн ша кә, пештьри әԝед кӧ мьн дьле ԝан ешандьнә?

³Мьн әԝ йәк нәʼма хԝәда ньвисибу, кӧ нәбә гава әз бем, йед кӧ гәрәке мьн ша кьн, әԝ дьле мьн бешиньн. Чьмки әз ԝә һʼәмуйада гӧман ьм, кӧ шабуна мьн шабуна ԝә һʼәмуйа йә.

⁴Мьн бь гәләк һесьра, бь гәләк кʼәдәр у кʼәсәра дьле хԝә ԝәрʼа ньвиси, ԝәки һун нә кӧ ль бәр хԝә кʼәвьн, ле ԝәки ԝе кʼурайийа һʼьзкьрьна мьнә һьндава хԝәда фәʼм бькьн.

⁵Аԝа һәгәр йәки дьлеши кьр, нә кӧ тʼәне дьле мьн ешанд, ле йе һьнәка жи, ԝәки гәләки зедә нәкьм, нәбежьм йе ԝә һʼәмуйа жи.

⁶Әԝ щәза бәси ԝи мәрьви йә, кӧ жь ԝә гәләка ԝирʼа һатийә дайине.

⁷Ле ньһа һун гәрәке бьбахшиньнә ԝи у ль бәр дьле ԝида бен, ԝәки кʼәрби бәрхԝәкʼәтьне хԝә ӧнда нәкә.

⁸Аԝа әз һиви жь ԝә дькьм, һʼьзкьрьна хԝә һьндава ԝида мак кьн.

⁹Һәма бона ԝе йәке жи мьн ньвисийә, ԝәки ԝә бьщерʼьбиньм бьзаньбьм кʼа һун һәр тьштида гӧһдар ьн.

¹⁰Һәгәр һун тьштәки дьбахшиньнә йәки, әз жи тʼәви ԝә мә. У һәгәр тьштәки бахшандьне һәбә, бона ԝә ль бәр диндара Мәсиһ дьбахшиньм,

¹¹ԝәки мирещьн пьште ль мә нәшкенә, чьмки әм һаш жь һʼӧнӧред ԝи һәнә.

¹²Гава әз бона Мьзгинидайина Мәсиһ гьһиштьмә Тройайе, мьн дит кӧ Хӧдан дәрик ль бәр мьн вәкьрийә.

¹³Ле дьле мьн нә рʼьһʼәт бу, чьмки мьн бьре хԝә Тито ль ԝьр нәдит. Һьнге мьн хатьре хԝә жь ԝан хԝәст, чумә ԛәза Мәкәдонйайе[4].

¹⁴Ле шькьр жь Хԝәде, кӧ тʼьме мә пʼега кʼома Мәсиһә сәркʼәтьнеда пешда дьбә[5] у бина наскьрьна хԝә бь мә һәр дәра бәла дькә.

¹⁵Чьмки әм бина Мәсиһә хԝәш ьн ль бәр Хԝәде, һьн нава хьлазбуйийада, һьн нава ӧндабуйийада.

¹⁶Бона һьнәка әм бина мьрьне нә, кӧ ԝан бәрбь мьрьне дьбә у бона һьнәка жи бина жийине, кӧ ԝан бәрбь жийине дьбә. У кʼи дькарә ви бари һьлдә?

¹⁷Әм нә мина һьнәка нә, йед кӧ хәбәра Хԝәде кʼара хԝәва гьредьдьн, ле бәле әм чаԝа мәрьвнә жь Хԝәдеда шанди, ль бәр Хԝәде бь һәләԛәтийа Мәсиһ пе сьтԛе дьле рʼаст хәбәр дьдьн.