Read Пәймана Ну (Инщил) Корьнтʼи II 4 Bible Online

Корьнтʼи II 4 - Пәймана Ну (Инщил) bible

Корьнтʼи II 4

¹Бона ве йәке әм жь ви ԛӧльхи вәнакʼьшьн, йа кӧ мә бь рʼәʼма Хԝәде стандийә.

²Ле бәле әм жь тьштед әʼйбә дьзива дур ьн у фелбазийа накьн, хәбәра Хԝәдеда ԛәлпийе накьн. Ле сәрда әм рʼастийе әʼйан дькьн у бь ви аԝайи хԝә дийари исафа һәр мәрьви дькьн ль бәр Хԝәде.

³Ле һәгәр әв Мьзгинийа кӧ әм дьдьн вәшарти йә жи, әԝ ль бәр ӧндабуйийа вәшарти йә.

⁴Мире ве дьнйайейи нәһәԛ шәвәрʼәша кора анийә сәр фәʼме нәбаԝәра, ԝәки рʼонайа Мьзгинийа рʼумәта Мәсиһ нәдә сәр ԝан, Йе кӧ сурәте Хԝәде йә.

⁵Әм нә кӧ хԝә даннасин дькьн, ле Иса Мәсиһ чаԝа Хӧдан у хԝә жи чаԝа хӧламед ԝә, бона Иса.

⁶Ԝи Хԝәдейе кӧ гот: «Бьра жь тәʼрийе рʼонайи дәре»[11], Ԝи хԝәха дьле мәда шәԝԛ да, ԝәки әм рʼумәта Хԝәде нас кьн, бь ԝе шәԝԛа кӧ жь рʼуйе Мәсиһ дәрте.

⁷Ле әв хьзнә нава мә дәрданед һʼәрʼида һәйә, ԝәки бе кʼьфше кӧ зорайийа ԛәԝате жь Хԝәде йә, нә кӧ жь мә.

⁸Әм һәр алийава тәʼли-тәнгийада нә, ле нав дәст-пʼийе тәнгасийада начьн, дәрәще бегӧманда нә, ле бегӧман ниньн,

⁹хԝәйинәйар ьн, ле нә бейар ьн, ледайи-кʼәти нә, ле нә ӧндабуйи нә.

¹⁰Һәр гав әм мьрьна Иса бәдәнед хԝәда дьбьн, ԝәки жийина Иса жи бәдәна мәда кʼьфш бә.

¹¹Чьмки әмә кӧ сах ьн, бона Иса мьрьнерʼа тенә дайине, ԝәки жийина Иса жи ԛальбе мәйи мьрида кʼьфш бә.

¹²Аԝа мьрьн нава мәда йа хԝә дькә, ле жийин нава ԝәда.

¹³Чаԝа ньвисар ә: «Мьн баԝәр кьр, ләма хәбәр да»[12]. Хут бь ԝи рʼӧһʼе баԝәрийе әм жи баԝәр дькьн у ләма хәбәр дьдьн.

¹⁴Әм заньн Әԝе кӧ Хӧдан Иса жь мьрьне рʼакьр, ԝе мә жи тʼәви Иса жь мьрьне рʼакә у мә тʼәви ԝә бәр хԝә бьдә сәкьнандьне.

¹⁵Бәле әв һʼәму бона ԝә йә, кӧ гава кʼәрәм һе сәр гәләкада бьрʼьжә, шькьрдарийа рʼумәта Хԝәде жи һе зедә бә.

¹⁶Ләма әм жь ве йәке вәнакʼьшьн. Бәле әм жь дәрвава дерьс дьбьн дьчьн, ле дьлда рʼож бь рʼож нуйәжийин дьбьн.

¹⁷Чьмки щәфед мәйә дәм-дәмә сьвьк мә дькьнә хԝәйийе рʼумәта гьранә һʼәта-һʼәтайейә бе һьмбәр.

¹⁸Аԝа әм дина хԝә надьнә тьштед хӧйа дьбьн, ле йед нәхӧйа, чьмки тьштед хӧйа бона ԝәхтәки нә, ле йед нәхӧйа һʼәта-һʼәтайи нә.