Read Пәймана Ну (Инщил) Корьнтʼи II 6 Bible Online

Корьнтʼи II 6 - Пәймана Ну (Инщил) bible

Корьнтʼи II 6

¹Әм жи чаԝа һәвал-хәбатед Хԝәде иди һиви жь ԝә дькьн, йед кӧ кʼәрәма Хԝәде стандьнә, нәһельн кӧ әԝ кʼәрәм бефәйдә бә.

²Чьмки Хԝәде дьбежә: «Дәма рʼәʼм-кʼәрәме Мьн дәнге тә бьһист у рʼожа хьлазбунеда һатьмә һәԝара тә»[16]. Ва ньһа йә дәма рʼәʼм-кʼәрәме! Ва ньһа йә рʼожа хьлазбуне!

³Әм дькьн тʼӧ тьштида нәбьнә байисе кʼәтьна тʼӧ кәси, ԝәки ԛӧльхе мә нәйе ломәкʼаркьрьне.

⁴Ле һәр тьштида әм хԝә бь сәбьра хԝәйә мәзьн дьдьнә кʼьфше, чаԝа ԛӧльхкʼаред Хԝәде: Тәʼли-тәнгийада, һесири-бәләнгазийа у дәрд-кӧлада,

⁵леданада, кәлада у һәр алийава һʼьщумкьри, кʼәсьри, бехәԝ, бьрʼчи[17],

⁶бь ньхта һʼәлал, бь занәбуне, бь дьле фьрә, бь ширьнайийе, бь Рʼӧһʼе Пироз у бь һʼьзкьрьна беһʼьләкʼари,

⁷бь готьна рʼастийе у ԛәԝата Хԝәде. Әм бь дәсте чʼәп у рʼасте жи рʼастһʼәсабунева сильһʼкьри нә,

⁸һӧрмәте у беһӧрмәтийеда, ԛәдьр у рʼәзилийеда. Мә һʼәсаб дькьн чаԝа йед дәрәԝин, ле әм сәр рʼастийе нә,

⁹мә һʼәсаб дькьн чаԝа йед нәнас, ле йед бь нав у дәнг ьн, чаԝа йед мьри, ле ва йә әмә сах ьн, чаԝа щәза станди, ле нәкӧшти нә,

¹⁰әм чаԝа йед зәлулийеда нә, ле әм һәр тʼьм ша нә, чаԝа йед бәләнгаз, ле әм гәләка дәԝләти дькьн, чаԝа кʼьфш дьбә йане тьштәки мә тʼӧнә, ле һәр тьштед мә һәнә.

¹¹Мә вәкьри ԝәрʼа хәбәр дайә гәли корьнтʼийа, дьле мә жи һьндава ԝәда фьрә йә.

¹²Һун жь алийе мәда бинтәнг набьн, ле һун бина хԝә ль хԝә тәнг дькьн.

¹³Әз чаԝа тʼәви зарʼед хԝә хәбәр дьдьм, һун жи ԝәкә ԝе йәке ль мә вәгәрʼиньн у дьле хԝә мәрʼа вәкьн.

¹⁴Тʼәви нәбаԝәра нәкʼәвьнә бьне нирәки. Чь кʼаре һәԛийе тʼәви нәһәԛийе һәйә? Йан чь һәләԛәтийа рʼонайе тʼәви тәʼрийе?

¹⁵У чь тʼьфаԛийа Мәсиһ тʼәви щьн[18] һәйә? Йан чь пʼар нава баԝәрмәнда у нәбаԝәрада һәйә?

¹⁶Йан жи чь һәвалтийа пʼарьстгәһа Хԝәде тʼәви йа пʼута һәйә? Чьмки әм пʼарьстгәһа Хԝәдейе сах ьн! Чаԝа Хԝәде гот: «Әзе нава ԝанда бьминьм, нава ԝанда бьмәшьм, Хԝәдейе ԝан бьм у әԝе жи щьмәʼта Мьн бьн»[19].

¹⁷Бона ве йәке «Хӧдан дьбежә: Дә рʼабьн жь нава ԝан дәрен, щӧдә бьн. Ль тьштед һʼәрам нәкʼәвьн, у Әзе ԝә ԛәбул кьм[20],

¹⁸Баве ԝә бьм, һуне жи кӧрʼ у ԛизед Мьн бьн, Хӧдане Һʼәму Зорайийе дьбежә[21]».