Read Пәймана Ну (Инщил) Галати 4 Bible Online

Галати 4 - Пәймана Ну (Инщил) bible

Галати 4

¹Аԝа әз дьбежьм, ԝаре кӧ хԝәйе һәр тьшти йә, ле һʼәта кӧ хьшим ә жь хӧлем найе фьрԛикьрьне.

²Әԝ бьн дәсте хԝәйкьрийа у хәмкʼешада йә, һʼәта ԝи ԝәхте кӧ баве кʼьфш кьрийә.

³Ӧса жи әм гава һе рʼӧһʼанида «хьшим» бун, мә хӧламти сьхьред ве дьнйайерʼа[26] дькьрьн.

⁴Ле гава ԝәхт перʼа гьһишт, Хԝәде Кӧрʼе Хԝә шанд, кӧ жь кʼӧлфәте бу у кʼәтә бьн Ԛануне,

⁵ԝәки йед бьн Ԛануне аза кә у әм жи һәԛе лаԝтийа Хԝәде бьстиньн[27].

⁶Аԝа һун кӧ лаԝед Ԝи нә, Хԝәде Рʼӧһʼе Кӧрʼе Хԝә шандә нава дьле мә, кӧ гази Хԝәде дькә: «Абба!» аԝа готи «Баво!»

⁷Бь ви аԝайи иди тӧ нә хӧлам и, ле лаԝ и у һәгәр лаԝ и, ӧса жи Хԝәде тӧ кьри ԝаре Хԝә.

⁸Бәре, гава ԝә Хԝәде нас нәдькьр, ԝә хӧламти йед ӧсарʼа дькьрьн, кӧ рʼаст нә хԝәде бун.

⁹Ле ньһа кӧ ԝә Хԝәде нас кьрийә, ле бәле Хԝәде жи һун нас кьрьнә, һун чаԝа диса вәдьгәрʼьнә сәр ԝан сьхьред ве дьнейә беԛәԝатә нә тʼӧ тьшт у диса дьхԝазьн хӧламтийе ԝанрʼа бькьн?

¹⁰Һун гӧһ дьдьнә рʼожед һʼәсаб, мәһа, рʼожгар у сала.

¹¹Әз бона ԝә дьтьрсьм, кӧ әԝ шьхӧле мьн бона ԝә кьрийә дәйа һәрʼә.

¹²Әз һиви жь ԝә дькьм хушк-бьрано, бьбьнә мина мьн, чьмки әз жи мина ԝә бумә. Ԝә тʼӧ зийан нәдайә мьн.

¹³Һун заньн кӧ щара пешьн бесьһʼәтийа ԛальбе мьн бу мәʼни, мьн Мьзгини да ԝә.

¹⁴У чь кӧ һатә сәре ԛальбе мьн, әԝ йәк бу щерʼьбандьнәк бона ԝә, ле диса ԝә әз беһӧрмәт нәкьрьм йан пьшта хԝә нәда мьн, ле ԝәкә мьлйакʼәтәки Хԝәде әз ԛәбул кьрьм у ԝәкә Мәсиһ Иса.

¹⁵Әԝ шабуна ԝә чаԝа бу? Әз ԝәкә шире хԝә, һәгәр жь дәст ԝәва бьһата, ԝәйе чʼәʼве хԝә жи дәрхьста бьда мьн.

¹⁶Иди әз бумә дьжмьне ԝә, ԝәки мьн ԝәрʼа рʼаст хәбәр дайә?

¹⁷Әԝед майинә кӧ кʼәтьнә дәмана ԝә, әԝ хера ԝә нахԝазьн, ле бәле әԝана дьхԝазьн ԝә жь мьн бьԛәтиньн, ԝәки һун бькʼәвьнә дәмана ԝан.

¹⁸Ԛәнщ ә кӧ мәри дәмана ԛәнщийеда бә у нә кӧ тʼәне гава әз нава ԝәда бьм, ле һәр гав.

¹⁹Лаԝед мьн, әз ньһа диса бона ԝә мина еша кʼӧлфәта дькʼьшиньм, һʼәта кӧ Мәсиһ нава ԝәда бьгьһижә.

²⁰Хԝәзи әз ньһа ль щәм ԝә бума у мьн тьһәре хәбәрдана хԝә бьгӧһаста, чьмки әз бона ԝә нава мьталада мә!

²¹Жь мьнрʼа бежьн, һун кӧ дьхԝазьн бьн Ԛанунеда бьн, ԝә нәбьһистийә Ԛанун чь дьбежә?

²²Ньвисар ә кӧ: «Дӧ кӧрʼед Бьраһим һәбун, йәк жь щарийе бу, йәк жи жь жьна аза»[28].

²³Әԝе жь щарийе бу, әԝ бь бьнйатʼа мәрьвайе бьбу, ле әԝе жь жьна аза бу, әԝ ль гора созе Хԝәде бу.

²⁴Әва йәка щурʼәки майин те фәʼмкьрьне, әв һәр дӧ жьн дӧ пәйман ьн: Йәк жь чʼийайе Синайе, бона хӧламтийе тинә, әԝ Һащәр бу[29].

²⁵Һащәр Әʼрәбьстанеда те һʼәсабе чʼийайе Синайе у һьмбәри Оршәлима ньһа дьбә, кӧ зарʼед хԝәва хӧламтийе дькә.

²⁶Ле йа аза, әԝ Оршәлима жорьн те һʼәсабе, кӧ әԝ дийа мә һʼәмуйа йә[30].

²⁷Чьмки ньвисар ә: «Ша бә, безӧрʼәта кӧ тә зарʼ нәданин. Бь әшԛ бьстьре, дәнг бьльнд кә, кӧ еша зарʼанине тә нәкʼьшанд. Чьмки зарʼед тә мербәрʼдайийе ԝе жь зарʼед йа хԝәйимер гәләктьр бьн»[31].

²⁸Аԝа һун[32] хушк-бьрано, мина Исһаԛ зарʼед ԝи сози нә[33].

²⁹Ле чаԝа һьнге әԝе жь мәрьвайе бьбу, йе жь алийе Рʼӧһʼда дьзеранд, ӧса жи ньһа[34].

³⁰Ле ньвисар чь дьбежә? «Әԝе щарийе кӧрʼе ԝева бәрде дәрхә, чьмки кӧрʼе щарийе гәрәке тʼәви кӧрʼе жьна аза ԝар нәбә»[35].

³¹Аԝа хушк-бьрано, әм нә зарʼед щарийе нә, ле зарʼед йа аза нә.