Read Пәймана Ну (Инщил) Әфәси 2 Bible Online

Әфәси 2 - Пәймана Ну (Инщил) bible

Әфәси 2

¹Һун жь дәст нәһәԛи у гӧнед хԝә мьри бун[8],

²гава һун пәй әʼдәтед ве дьне дьчун, ль гора хԝәстьна мире сәрԝертийа ве һәԝе, ԝи рʼӧһʼе кӧ ньһа жи нава ԝан мәрьвада йа хԝә дькә, йед кӧ нә гӧрʼа Хԝәдеда нә.

³Әм һʼәму жи ԝәхтәке пәй ԝан тьшта дьчун, бь дьлһавьжийед бьнйатʼа мәрьвайе дьжит у дьл у фькьред мәрʼа чь дәрбаз дьбун мә әԝ дькьрьн у бьнйатʼа хԝәда жи һежайи хәзәба Хԝәде бун, чаԝа йед майин.

⁴Ле Хԝәдейе кӧ хԝәйе рʼәʼма дәԝләмәнд ә, бь һʼьзкьрьна Хԝәйә мәзьн, бь кʼижане әм һʼьзкьрьн,

⁵гава әм һе жь дәст нәһәԛийед хԝә мьри бун, Әԝи тʼәви Мәсиһ әм сах кьрьн. Бь кʼәрәме һун хьлазбуйи нә!

⁶Йәктийа Ԝида әм жь мьрьне рʼакьрьн у тʼәви Ԝи әм ль дийаре әʼзмана данә рʼуньштандьне, бь сайа Мәсиһ Иса.

⁷Ԝи әв йәк кьр, ԝәки ль нава ԝан зәманед кӧ ԝе бен, дәԝләмәндтийа кʼәрәма Хԝәйә беһьмбәр, һьндава мәда бь сайа Мәсиһ Иса, бь ширьнайи бьдә кʼьфше.

⁸Чьмки бь кʼәрәме һун хьлазбуйи нә, пе баԝәрийе у әв йәк нә жь ԝә йә, ле дайина Хԝәде йә.

⁹Әв йәк нә жь кьрьна йә, ԝәки йәк пʼәйе хԝә бьдә.

¹⁰Бәле әм чекьрийед Ԝи нә, йәктийа Мәсиһ Исада хӧльԛи, бона кьрьнед ԛәнщ, йа кӧ Хԝәде пешда һазьр кьр, кӧ әм ԝанда бьминьн.

¹¹Һун кӧ әʼсьле хԝәда нәщьһу нә у жь алийе щьһуйада «бе сьнәт» дьһатьнә һʼәсабе, йед кӧ хԝәха хԝә «сьнәткьри» һʼәсаб дькьрьн, бь сьнәтийа ԛальбә бь дәста кьри, аԝа бир биньн кӧ һун һьнге чь бун.

¹²Һьнге һун бе Мәсиһ у хәриб бун һьндава бажарвантийа Исраелда у жь пәймана у созед ԝан дур бун у ве дьнеда жи бе гӧман у бе Хԝәде бун.

¹³Ле һун кӧ ԝәхтәке дури ван йәка бун, ньһа тʼәви Мәсиһ Иса бунә, бь хуна Мәсиһ һун незик бунә.

¹⁴Чьмки Әԝ ә әʼдьлайийа мә, кӧ һәр дӧ, щьһу у нәщьһу кьрьнә йәк. Әԝи диԝаре навбьрʼийе, аԝа готи дьжмьнати бь бәдәна Хԝә хьраб кьр

¹⁵у тʼәми у әʼмьред Ԛануна Мусада бәтал кьрьн, ԝәки йәктийа Хԝәда, жь һәр дӧйа щьһу у нәщьһу мәрьвәки ну бьхӧльԛинә у бь ви аԝайи бькә әʼдьлайи[9].

¹⁶У Мәсиһ бәдәнәкеда һәр дӧ тʼәви Хԝәде бь хаче Хԝә ль һәв анин, чьмки бь ԝе кьрьне дьжмьнати кʼокева рʼакьр[10].

¹⁷У һат Мьзгинийа әʼдьлайийе да ԝә нәщьһуйед дури Хԝәде у щьһуйед незики Ԝи[11].

¹⁸Чьмки бь сайа Ԝи, изьна мә һәр дӧйа жи һәйә, бь Рʼӧһʼәки незики Баве бьн.

¹⁹Аԝа һун иди нә хәлԛ у хәриб ьн, ле бажарвантийа ԝә тʼәви щьмәʼта Хԝәде йә у нәфәред мала Хԝәде нә.

²⁰Һун сәр ԝи рʼькʼьне шандийа у пʼехәмбәра авакьри нә, кәвьре әʼнишка кʼижани Мәсиһ Иса Хԝәха йә.

²¹Бь Ԝи тʼәмамийа авайи пева щи бь щи бона Хӧдан пʼарьстгәһәкә пироз бьльнд дьбә.

²²Бь Ԝи һун жи бь һәврʼа тенә авакьрьне, чаԝа хана Хԝәде бь Рʼӧһʼе Пироз.