Read Пәймана Ну (Инщил) Филипи 2 Bible Online

Филипи 2 - Пәймана Ну (Инщил) bible

Филипи 2

¹Аԝа һәгәр тʼәвбуна ԝәйә тʼәви Мәсиһ бина бәр ԝә йә, һәгәр һʼьзкьрьна Ԝи дьл дьдә бәр ԝә, һәгәр Рʼӧһʼе Пироз ԝә дькә йәк[2], һәгәр дьлшәԝати у рʼәʼма ԝә һәйә,

²әшԛа дьле мьн бь тʼьфаԛа хԝә һун бьгьһиньнә сери: Бьра әԝ һʼьзкьрьна нава ԝәда бә у сәр нет у фькьрәке бьн.

³Тьштәки бь һәврʼькʼийе нәкьн у ль наве хԝә нәгәрʼьн, ле жь ԝә һәр йәк бь мьлуктийе һәвале хԝә сәр хԝәрʼа бьгьрә.

⁴Тʼәне ль кʼара хԝә нәгәрʼьн, ле бьра һәр кәс ль кʼара һәвале хԝә жи бьгәрʼә.

⁵Мәсиһ Иса сәр чь нет-фькьре бу, жь ԝә һәр кәс жи ӧса бьфькьрә:

⁶Әԝ кӧ бьнйатʼа Хԝәда Хԝәде бу, пәй ԝе йәке нәкʼәт, кӧ бьма ԝәкә Хԝәде,

⁷ле Хԝәха Хԝә шкенанд, кʼәтә бьнйатʼа хӧламәки у бу мина мәрьва, кʼәтә дьлԛе инсен.

⁸Әԝи Хԝә ньмьз кьр, һʼәта мьрьнерʼа жи ԛайл бу, әԝ жи мьрьна сәр хаче.

⁹Бона ве йәке Хԝәде Әԝ һе бьльнд кьр у навәки ӧса пʼешкʼеши Ԝи кьр, кӧ жь һʼәму нава бьльндтьр ә,

¹⁰ԝәки һәр чок ль бәр наве Иса бьтәԝә, һәгәр ль әʼзмен бә, һәгәр сәр дьне бә, һәгәр ль дийаре мьрийа бә

¹¹у һәр зар-зьман иԛрар кә, кӧ Иса Мәсиһ Хӧдан ә, бона рʼумәта Бав Хԝәде[3].

¹²Аԝа дәлалийед мьнно, чаԝа әз нава ԝәда бум һун тʼьме гӧһдар бун, ньһа һе гәләки гӧһдар бьн, гава нә нава ԝәда мә. Бона хьлазбуна хԝә бь хоф у тьрс бьхәбьтьн, кӧ ԝе йәке бьгьһиньнә сери,

¹³чьмки Хԝәде Хԝәха ве йәке дькә дьле ԝә, кӧ һун дьхԝазьн у дькьн, чаԝа ль Ԝи хԝәш те.

¹⁴Һәр тьшти бе бинтәнги у бе шәрʼ у дәʼԝ бькьн,

¹⁵ԝәки һун нава ви ньсьле нәһәԛ у хальфида беләкʼә у беԛӧсур, зарʼед Хԝәдейә бесущ бьн. Нава ванда шәԝԛ бьдьн мина рʼонайед әʼзмана[4],

¹⁶чаԝа йед хәбәра жийине һьлгьрти. Әзе һьнге Рʼожа һатьна Мәсиһ рʼуспи бьм, кӧ бадиһәԝа нәбәзимә у бадиһәԝа нәхәбьтимә.

¹⁷Бәле һәгәр щи бе кӧ хуна мьн сәр ԝе баԝәрийа ԝәда бе рʼетьне, йа кӧ хьзмәткʼарийа ԝәда чаԝа ԛӧрбан Хԝәдерʼа те дайине, әзе ша бьм у тʼәви әшԛа ԝә бьм.

¹⁸Ӧса жи һун ша бьн, тʼәви әшԛа мьн бьн.

¹⁹Гӧмана мьн сәр Иса Хӧдан һәйә, кӧ әзе зутьрәке Тимотʼейо сәр ԝәда бьшиньм, кӧ дьле мьн рʼьһʼәт бә, гава әз һʼале ԝә пе бьһʼәсьм.

²⁰Әз дьле хԝәрʼа йәки мина ԝи набиньм, кӧ бона һʼале ԝә мина пешәԝьтики хәм бьхԝә.

²¹Чьмки йед майин һәр кәс ль пәй кʼара хԝә кʼәтийә, нә кӧ йа Иса Мәсиһ.

²²Ле һун хԝәха заньн кӧ әԝ йәки чаԝайи щерʼьбанди йә у хԝәха тʼәви мьн Мьзгинидайинерʼа ӧса хьзмәти кьр, чаԝа кӧрʼ баверʼа.

²³Аԝа нета мьн һәйә, кӧ әз әԝи зу бьшиньмә щәм ԝә, гава әз һаш жь һʼал-һʼәԝале хԝә һәбьм.

²⁴У әз Хӧданда гӧман ьм, кӧ әзе хԝәха жи зутьрәке сәр ԝәда бем.

²⁵Ле мьн ӧса рʼе терʼа дит, ԝәки әз ԝи бьрайе мә Епафродито бьшиньмә щәм ԝә, йе кӧ тʼәви мьн хәбьти у шәрʼе хԝә кьр, кʼижан ԝә шандьбу кӧ кʼомәк бьда мьн.

²⁶Әԝи жи гәләки бира ԝә кьрийә у бәр хԝә дькʼәвә, ԝәки ԝә бона нәхԝәшийа ԝи бьһистийә.

²⁷Рʼасти жи әԝ нәхԝәш кʼәт, чу бәр дәре мьрьне. Ле Хԝәде ль ԝи һатә рʼәʼме, нә кӧ тʼәне ль ԝи, ле ӧса жи ль мьн, ԝәки сәр кʼәдәре кʼәдәр сәр мьнда нәйе.

²⁸Бона ве йәке әз ԝи бь дьл дьшиньм, ԝәки һун ԝи бьбиньн, диса ша бьн у әз бәр хԝә нәкʼәвьм.

²⁹Аԝа бона хатьре наве Хӧдан әԝи бь тʼәмамийа әшԛа дьле хԝә ԛәбул кьн. Ԛәдьре йед мина ԝи гьран бьгьрьн,

³⁰чьмки әԝ бона шьхӧле Мәсиһ һʼәта бәр дәре мьрьне жи чу у дәсте хԝә жь әʼмьре хԝә жи кʼьшанд, ԝәки дәԝса ԝе хьзмәткʼарийа кӧ ԝәйе мьнрʼа бькьра әԝи хԝәха бькьра.