Read Пәймана Ну (Инщил) Тʼесалоники I 1 Bible Online

Тʼесалоники I 1 - Пәймана Ну (Инщил) bible

Тʼесалоники I 1

¹Жь Паԝлос, Силас[1] у Тимотʼейо, щьвина Тʼесалоникийарʼа, йа кӧ пʼара Бав Хԝәде у Хӧдан Иса Мәсиһ ә: Дә бьра кʼәрәм у әʼдьлайи[2] ль ԝә бә.

²Әм һәр гав бона ԝә һʼәмуйа рʼазибуна хԝә дьдьнә Хԝәде, нава дӧайед хԝәда тʼьме ԝә бир тиньн.

³Әм кьред баԝәрийа ԝә, хәбата ԝәйә жь һʼьзкьрьне у сәбьра ԝе гӧмана ԝәйә сәр Хӧдане мә Иса Мәсиһ тиньнә бира хԝә ль бәр Хԝәде, Баве мә.

⁴Әм заньн хушк-бьрано, кӧ һун Хԝәдеда һʼьзкьри у бьжарти нә,

⁵чьмки Мьзгинидайина мә нә кӧ тʼәне бь хәбәре ԝәрʼа һатә дайине, ле ӧса жи бь ԛәԝате, бь Рʼӧһʼе Пироз у бе шькийе. Һун заньн әм бона ԝә нава ԝәда чаԝа бунә.

⁶У ԝә жи чʼәʼв да мә у Хӧдан, нава гәләк тәнгасийада хәбәр ԛәбул кьр, бь әшԛа Рʼӧһʼе Пироз ша бун[3].

⁷Бь ви аԝайи һун бона һʼәму баԝәрмәндед Мәкәдонйайе у Ахайайе бунә нәхшәк.

⁸Чьмки әԝ хәбәра дәрһәԛа Хӧданда жь ԝә дәркʼәт бәла бу, нә кӧ тʼәне нава Мәкәдонйайе у Ахайайеда, ле бәле бона ԝе баԝәрийа ԝәйә сәр Хԝәде, һәр дәра бәла буйә, ӧса кӧ иди нә һʼәԝщә йә кӧ әм тьштәки сәрда зедә кьн.

⁹Чьмки әԝана бона мә дьбежьн, кӧ ԝә чаԝа әм ԛәбул кьрьнә у чаԝа һун жь пʼута ль Хԝәде вәгәрʼийанә, кӧ хӧламтийе Хԝәдейе сах у рʼастрʼа бькьн

¹⁰у жь әʼзмана һивийа һатьна Кӧрʼе Ԝи бьн, кʼижан кӧ Ԝи жь нава мьрийа рʼакьр, Исайе кӧ мә жь хәзәба те хьлаз дькә.