Read Пәймана Ну (Инщил) Тʼесалоники I 3 Bible Online

Тʼесалоники I 3 - Пәймана Ну (Инщил) bible

Тʼесалоники I 3

¹Һәйнәсәр, мә иди нькарьбу сәбьр бькьра. Әм шеԝьрин, кӧ әм тʼәне бьминьнә Атʼинайе[7]

²у Тимотʼейойе бьрайе мә, йе кӧ тʼәви мә бона Хԝәде[8], Мьзгинийа Мәсиһда дьхәбьтә, сәр ԝәда бьшиньн, кӧ баԝәрийа ԝә ԛәԝин кә у дьл бьдә ԝә,

³ԝәки ван тәнгасийада тʼӧ кәс жь ԝә нәлькʼӧмә. Чьмки һун хԝәха заньн кӧ әв йәкана бона мә нә.

⁴Бәле гава әм щәм ԝә бун, мә һе һьнгеда ԝәрʼа дьгот, кӧ әме рʼасти тәнгасийа бен у ӧса жи бу, чаԝа һун заньн.

⁵Бона ве йәке мьн иди сәбьр нәкьр, Тимотʼейо шанд, ԝәки әз һаш жь баԝәрийа ԝә һәбьм, кӧ нәбә Щерʼьбандкьр һун щерʼьбандьбьн у щәфе мә дәйа һәрʼә.

⁶Ле ньһа Тимотʼейо жь щәм ԝә сәр мәда вәгәрʼийа у мьзгинийа баԝәри у һʼьзкьрьна ԝә да мә. Ԝи гот, кӧ ԝә әм хԝәш бира хԝәда хԝәй кьрьнә у һʼәйра мәда нә, чаԝа әм жи йа ԝәда[9].

⁷Аԝа хушк-бьрано, нава һʼәму тәʼли у тәнгийед мәда бь әшԛи ԝе баԝәрийа ԝә бин һатә бәр мә,

⁸чьмки гава һун рʼийа Хӧданда мьԛәрʼм дьминьн, бин жи те бәр мә.

⁹Әм чь рʼазибуне дькарьн бьдьнә Хԝәде бона ԝә у ԝан һʼәму шабуна, кӧ әм бона ԝә ль бәр Хԝәдейе хԝә ша дьбьн?

¹⁰Әм шәв у рʼож бь дьл у щан рʼәща дькьн, кӧ рʼуйе ԝә бьбиньн у кемасийа баԝәрийа ԝә тʼьжи кьн.

¹¹Дә бьра Хԝәде, Баве мә хԝәха у Хӧдане мә Иса рʼийа мә рʼаст кә, әм бенә щәм ԝә.

¹²Бьра Хӧдан һʼьзкьрьна ԝә һьндава һәв у һʼәмуйед майинда бьгьһинә у зедә кә, чаԝа йа мә жи һьндава ԝәда һәйә.

¹³Дә бьра Әԝ дьле ԝә бьшьдинә, ԝәки һун пирозийеда беԛӧсур бьн, ль бәр Хԝәде Баве мә, ԝәхте һатьна Хӧдане мә Иса, һʼәму пирозед Хԝәва тʼәвайи.