Read Пәймана Ну (Инщил) Тʼесалоники II 1 Bible Online

Тʼесалоники II 1 - Пәймана Ну (Инщил) bible

Тʼесалоники II 1

¹Жь Паԝлос, Силас[1] у Тимотʼейо, щьвина Тʼесалоникийарʼа, йа кӧ пʼара Баве мә Хԝәде у Хӧдан Иса Мәсиһ ә:

²Дә бьра кʼәрәм у әʼдьлайийа Хԝәде, Баве мә у Хӧдан Иса Мәсиһ ль ԝә бә.

³Әм дәйндар ьн, кӧ һәр гав бона ԝә рʼазибуне бьдьнә Хԝәде хушк-бьрано у әв йәк һәԛ ә жи, чьмки баԝәрийа ԝә рʼьнд дьгьһижә у һʼьзкьрьна ԝә һьндава һәвда зедә дьбә.

⁴Ләма әм хԝәха жи нава щьвинед Хԝәдеда пе ԝә дьфьрʼьн, бона сәбьр у баԝәрийа ԝә, чьмки һун ԝан һʼәму зерандьн у тәнгасийа дькʼьшиньн, йед кӧ тенә сәре ԝә.

⁵Әв йәк избат дькә, кӧ диԝана Хԝәде рʼаст ә. У бь ви аԝайи һуне һежайи Пʼадшатийа Хԝәде бьн, бона кʼижане жи һун ԝан тәʼли-тәнгийа дьбиньн.

⁶Бәле әв ә һәԛийа Хԝәде: Йед тәнгасийе дьдьнә ԝә, Хԝәде жи ԝе ԝан бьдә тәнгасийе

⁷у йед жь ԝә тәнгасийеда нә, тʼәви мә бьдә һесакьрьне. Әве аһа бә, гава Хӧдан Иса тʼәви мьлйакʼәтед Хԝәйә зор жь әʼзменва бь кʼура егьр хӧйа бә,

⁸ԝәки һʼәйфе жь ԝан һьлдә, йед кӧ нахԝазьн Хԝәде нас кьн у гӧрʼа Мьзгинийа Хӧдане мә Иса накьн.

⁹Әԝе бәла хԝә жь ԝеранбуна һʼәта-һʼәтайе бьбиньн, жь һʼьзура Хӧдан у рʼумәта ԛәԝата Ԝи бенә авитьне,

¹⁰гава ԝе Рʼоже Әԝ бе, ԝәки нава щьмәʼта Хԝәда бе пәсьндайине у һʼәму баԝәрмәнд ԝе һʼәйр-һʼӧжмәкʼар бьн. Һуне жи нава ԝанда бьн, чьмки ԝә баԝәрийа хԝә шәʼдәтийа мә ани.

¹¹Бона ве йәке әм һәр гав бона ԝә дӧа дькьн, кӧ Хԝәдейе мә, ԝә һежайи ԝе газийе кә у һʼәму нет-мәрәмед ԝәйә ԛәнщ у кьрьнед ԝәйә жь баԝәрийе бь ԛәԝате бинә сери.

¹²Бь ви аԝайи ԝе пәсьне наве Хӧдане мә Иса ль нава ԝәда бе дайине у һуне жи нава Ԝида бенә пәсьндайине, ль гора кʼәрәма Хԝәдейе мә у Хӧдан Иса Мәсиһ.