Read Пәймана Ну (Инщил) Тʼесалоники II 3 Bible Online

Тʼесалоники II 3 - Пәймана Ну (Инщил) bible

Тʼесалоники II 3

¹Һәйнәсәр хушк-бьрано, бона мә дӧа бькьн, ԝәки хәбәра Хӧдан зу пешда һәрʼә у бе пәсьндайине, чаԝа нава ԝәда бу.

²Дӧа бькьн, ԝәки әм жь мәрьвед нәһәԛ у хьраб хьлаз бьн, чьмки һәр кәс Мьзгинийеда амьн нинә.

³Ле Хӧдан Хԝәха амьн ә, ԝе ԝә бьшьдинә у жь йе Хьраб хԝәй кә.

⁴Әм бь сайа Хӧдан ԝәда гӧман ьн, кӧ мә чь тʼәми данә ԝә, һун дьԛәдиньн у һуне бьԛәдиньн жи.

⁵Дә бьра Хӧдан мела ԝә бьдә сәр һʼьзкьрьна Хԝәде у сәбьра Мәсиһ.

⁶Әм тʼәми ль ԝә дькьн хушк-бьрано, бь наве Хӧдане хԝә Иса Мәсиһ, кӧ һун хԝә жь һәр хушк-бьрайе бепʼәргалә бехирәт дур бьгьрьн, йед кӧ ԝан рʼаԝ-рʼьзьмед мә данә ԝә наԛәдиньн.

⁷Һун хԝәха заньн кӧ гәрәке һун чʼәʼв бьдьнә мә, чьмки әм нава ԝәда бепʼәргал-бехирәт нибунә,

⁸нә жи нане тʼӧ кәси бе һәԛ хԝарийә, ле бь худана әʼнийа хԝә шәв у рʼож дьхәбьтин, дьчәрчьрин, ԝәки сәр ԝә тʼӧ кәси нәбьнә баргьрани.

⁹Нә кӧ изьна мә тʼӧнәбу, ле мә нәхше хԝә нишани ԝә кьр, кӧ һун чʼәʼв бьдьнә мә.

¹⁰Чьмки гава әм һе щәм ԝә бун жи, мә әв йәк ԝәрʼа дьгот: «Кʼи нахԝазә бьхәбьтә, бьра нәхԝә жи».

¹¹Бәле әм дьбьһен кӧ нава ԝәда һьнәк бепʼәргал-бехирәт дьжин, нә шьхӧлкʼаре хԝә нә, ле тʼәви шьхӧле хәлԛе дьбьн.

¹²Әм бь наве Хӧдан Иса Мәсиһ тʼәми у һиви жь йед ӧса дькьн, кӧ бь мәʼрифәти бьхәбьтьн у нане хԝә бьхԝьн.

¹³Ле һун хушк-бьрано, жь ԛәнщикьрьне нәԝәстьн.

¹⁴Һәгәр йәк гӧһдарийа готьнед мәйә ве нәʼмеда нәкә, ԝи рʼачʼәʼв кьн у һәвалтийе ԝирʼа нәкьн, кӧ шәрм бькә.

¹⁵Ле нәбә кӧ бь чʼәʼве хьраб ль ԝи бьньһерʼьн, ле мина бьра ширәт кьн.

¹⁶Дә бьра Хӧдане әʼдьлайийе хԝәха, һәр гав, һәр алийива әʼдьлайийе бьдә ԝә. Хӧдан тʼәви ԝә һʼәмуйа бә.

¹⁷Әва сьлава бь дәсте мьн Паԝлос ә, чаԝа нишана һʼәму нәʼмед мьн. Әз аһа дьньвисьм.

¹⁸Кʼәрәма Хӧдане мә Иса Мәсиһ тʼәви ԝә һʼәмуйа бә.