Read Пәймана Ну (Инщил) Тимотʼейо I 6 Bible Online

Тимотʼейо I 6 - Пәймана Ну (Инщил) bible

Тимотʼейо I 6

¹Әԝед кӧ бьн нире хӧламтийеда нә, бьра ахайед хԝә һʼәсаб кьн чаԝа һежайи ԛәдьре бьльнд, ԝәки наве Хԝәде у һинкьрьна мә нәйе беһӧрмәткьрьне.

²Ахайед кʼейә баԝәрмәнд һәнә, бьра ԝан беһӧрмәт нәкьн, чьмки әԝ бьрайед һәв ьн. Ле бьра хӧлам һе рʼьнд хӧламтийе бькьн, чьмки йед кӧ кʼаре жь хьзмәткʼарийа хӧлама дьстиньн, баԝәрмәнд ьн у дәлал ьн. Ван тьшта һин кә у ширәт кә.

³Һәгәр йәк тьштәки дьн һин бькә у готьнед Хӧдане мә Иса Мәсиһә сахләм у һинкьрьна хԝәдепʼарьстийа мә нә ԛайл ә,

⁴әԝ йәки кʼӧбар ә у тьштәки ньзанә. Әԝ нәхԝәшийа шәрʼ у дәʼԝава гьрти йә, жь ԝе жи пешда тен: Һʼәвсуди, нәйарти, готьнед нәрʼеда, шькед хьраб

⁵у шәрʼуди. Әв һʼәму тьшт жь нава мәрьвед ԛафсәԛәт у жь рʼастийе шуна рʼәшва чуйи пешда тен. Әвана хԝәденасийе һʼәсаб дькьн, чаԝа канийа кʼаре.

⁶Бәле хԝәденаси кʼара сәр кʼаре йә, һәгәр бь рʼазибуне бә.

⁷Мә тʼӧ тьшт нәанийә дьне у әме нькарьбьн тʼӧ тьшти жи бьбьн[19].

⁸Ле кʼьнщ у хӧрәке мә һәбьн, бь ԝан әм рʼази бьн[20].

⁹Ле әԝед кӧ дьхԝазьн дәԝләти бьн, тенә щерʼьбандьне, дькʼәвьнә тʼәләка у гәләк тәмед ахмах у зийанкʼар, кʼижан мерьв нӧԛи миратʼийе у ԝеранбуне дькьн[21].

¹⁰Чьмки пʼәрәһʼьзи каникә һәр щурʼә хьрабийе йә. Һьнәка хԝә данә ԝе, жь баԝәрийе хальфин у хԝә кьрьнә хԝәйе кӧл у дәрда.

¹¹Ле тӧ, мәрьве Хԝәде жь ван тьшта бьрʼәвә у пәй һәԛийе, хԝәденасийе, баԝәрийе, һʼьзкьрьне, сәбьре у мьлуктийе һәрʼә.

¹²Ләща баԝәрийеда ԛәнщ бьрʼәвә, жийина һʼәта-һʼәтайе ԛазьнщ кә, кʼижанерʼа тӧ һати газикьрьне у ль бәр гәләк шәʼда тә әԝ иԛрара ԛәнщ иԛрар кьр.

¹³Ль бәр Хԝәдейе кӧ әʼмьр дьдә һʼәму әʼфьрина у ль бәр Мәсиһ Исайе кӧ ль бәр Пилатойе Понтийо шәʼдәтийа иԛрара ԛәнщ да, әз тʼәмийе дьдьм тә[22],

¹⁴кӧ тӧ ве тʼәмийе беләкʼә у беԛӧсур хԝәй ки, һʼәта хӧйабуна Хӧдане мә Иса Мәсиһ.

¹⁵Хӧйабуна Ԝи ԝе ԝәхте хԝәда жь алийе Йе һежайи шькьрийе у Тʼәнейи ԛәԝат, Пʼадшайе пʼадшайа у Хӧдане хӧданада әʼйан бә.

¹⁶Тʼәне Әԝи нәмьри йә, нава рʼонайийеда йә, кӧ тʼӧ кәс нькарә незик бе. Тʼӧ ԛул-бәнда Әԝ нәдитийә у нә жи дькарә бьбинә. Ԛәдьр у ԛӧдрәта һʼәта-һʼәтайе Ԝирʼа бә! Амин[23].

¹⁷Тʼәмийе бьдә дәԝләтийед ве дьне, бьра бабах нәбьн у гӧмана хԝә нәдьнә сәр һәбука пʼучʼә дәрәԝ, ле ль сәр Хԝәдейе кӧ һәр тьшти бь мәрʼдани дьдә мә, ԝәки әм мьраз пе бькьн[24].

¹⁸Бьра ԛәнщийа бькьн, бь кьрьнед ԛәнщ дәԝләти бьн, мәрʼд бьн у пʼарәвәкьрьнерʼа жи һазьр.

¹⁹Бь ви тьһәри әԝе хԝәрʼа хьзнәке тʼоп кьн, һʼимәки ԛәнщ бона ахрәте, ԝәки ԝе жийина кӧ рʼасти жийин ә ԛазьнщ кьн.

²⁰Тимотʼейо! Чь кӧ ль тә һатә спартьне хԝәй кә. Жь готьнед пʼучʼә һʼәрам у шәрʼ-дәʼԝа дур бә, кӧ бь дәрәԝ наве «занәбун» данә сәр.

²¹Һьнәка хԝә данә ве йәке у бь ви аԝайи жь баԝәрийе хальфин. Кʼәрәма Хԝәде ԝәрʼа бә.