Read Пәймана Ну (Инщил) Тимотʼейо II 3 Bible Online

Тимотʼейо II 3 - Пәймана Ну (Инщил) bible

Тимотʼейо II 3

¹Ле ве йәке заньбә кӧ рʼожед ахьрийеда зәманед хьраб ԝе бен.

²Мәрьве бьбьнә хԝәһʼьз, пʼәрәһʼьз, кʼӧбар, бабах, бӧхданбеж, нә гӧрʼа де-бавада, бешекьр, һʼәрам,

³дьлсар, берʼәʼм, бӧхданбеж, тәмсьст, зӧлмкʼар, нәйаред ԛәнщийе,

⁴нәмам, бәрзәԛ, хԝәрʼази, рʼьһʼәтиһʼьз, нә кӧ Хԝәдеһʼьз.

⁵Пʼьшке хԝәденасийе ԝе ль ԝан кʼәвә, ле ԝе ԛәԝата ԝе инкʼар кьн. Тӧ хԝә жь йед аһа дур бьгьрә.

⁶Жь нава ванда йед ӧса һәнә, кӧ хԝә вәдьдьзьнә мала, кʼӧлфәтед сәрʼайә бьн баред гӧнада шәԝьти дькьнә һесир, йед кӧ бь щурʼә-щурʼә тәмед хьрабва тенә бьрьне.

⁷Әв кʼӧлфәтана һәр гав һин дьбьн, ле тʼӧ щар нькарьн рʼастийе нас кьн.

⁸Чаԝа Йанис у Йамбрис мьԛабьли Муса бун, ӧса жи әв мәрьвана мьԛабьли рʼастийе дьсәкьньн, мәрьвнә бь фькьред хԝәда шуна рʼәшва чуйи, баԝәрийеда жи бекер ьн[8].

⁹Ле гәләки ԝе пешда нәчьн, чьмки бефәʼмийа ԝан ԝе һʼәмуйава әʼйан бә, чаԝа йа ԝан һәр дӧйа бу.

¹⁰Ле тә насийа хԝә дайә һинкьрьн, рʼабун-рʼуньштьн у нет-мәрәме мьн, баԝәри, сәбьр у һʼьзкьрьна мьн, бинфьрәйи,

¹¹зерандьн у щәфайед мьн. Тӧ зани ль Әнтакйайе, Ԛонйайе, Листрайе чь һатьнә сәре мьн: Мьн чь зерандьн кʼьшандьн! Ле Хӧдан әз жь һʼәмуйа хьлаз кьрьм[9].

¹²Бәле һәр кәсе кӧ дьхԝазә йәктийа Мәсиһ Исада бь хԝәденаси бьжи ԝе бе зерандьне[10]

¹³у мәрьвед хьрабә хԝәйифел ԝе хьрабийеда пешда һәрʼьн, бьхальфиньн у бьхальфьн.

¹⁴Ле тӧ, нава ԝан тьштада бьминә, чь кӧ һин буйи у ԝе баԝәрийеда жи гӧман буйи. Тӧ зани жь кʼижана һин буйи,

¹⁵ӧса жи тӧ жь зарʼотийа хԝәда ньвисаред пироз зани, йед кӧ дькарьн тә сәрԝахт кьн, ԝәки бь баԝәрийа сәр Мәсиһ Иса хьлаз би.

¹⁶Тʼәмамийа ньвисаре[11] жь бина бәр Хԝәде йә[12] у керһати йә бона һинкьрьне, леһьлатьне, рʼасткьрьне у ширәткьрьна жийина һәԛийеда,

¹⁷ԝәки мәрьве Хԝәде бекемаси бә, бона һʼәму кьрьнед ԛәнщ һазьр сәкьни бә.