Read Пәймана Ну (Инщил) Тито 2 Bible Online

Тито 2 - Пәймана Ну (Инщил) bible

Тито 2

¹Ле тӧ, чь ль һинкьрьна сахләм дькʼәвә, һин кә.

²Каләмер бьра хԝәгьрти, гьран у маԛул бьн, баԝәрийе, һʼьзкьрьне у сәбьреда сәрхԝә бьн.

³Пирәжьн жи бьра ӧса пʼәргал бьн, чаԝа ль мәрьвед Хԝәде дькʼәвә, нә бӧхданбеж, мела ԝан нә сәр вәхԝарьне бә. Ле бьра хԝәйед ширәтед ԛәнщ бьн,

⁴ԝәки жьнед щаһьл һин кьн, кӧ мер у зарʼед хԝә һʼьз бькьн,

⁵аԛьлда гьран бьн, нав-намус, малкьр, һʼәйф, гӧрʼа мере хԝәда бьн, ԝәки хәбәра Хԝәде нәйе беһӧрмәткьрьне.

⁶Ӧса жи дьл бьдә хорта, кӧ аԛьлда гьран бьн.

⁷Һәр тьштида жи, тӧ хԝәха бьбә тʼәрзе кьрьнед ԛәнщ, нава һинкьрьнеда бедӧрʼути у маԛул бә,

⁸бь хәбәред сахләмә бе кемаси, ԝәки йе мьԛабьл шәрми бьминә у һьндава мәда тьштәки ԝийи готьне тʼӧнәбә.

⁹Хӧлама ширәт кә, кӧ гӧрʼа ахайед хԝәда бьн у һәр тьштида ль ԝан хԝәш бен, щаб-сабе ԝан нәдьн,

¹⁰дәстдьрежайийе нәкьн, ле амьнийа ԛәнщә тʼам нишани ԝан кьн, ԝәки һинкьрьна бона Хьлазкьре мә Хԝәде, һәр алийава бьхәмьлиньн.

¹¹Чьмки кʼәрәма Хԝәде бона хьлазбуна һʼәму мәрьва хӧйа бу,

¹²Әԝ мә һин дькә, кӧ әм нәпʼакийе у дьлһавьжийед дьнйайе инкʼар кьн у аԛьлда гьран, бь һәԛийе у хԝәденасийе бьжин ль ве дьне,

¹³һивийа ԝе гӧмана хԝәзьли, хӧйабуна рʼумәта Хԝәдейе мәзьн, Хьлазкьре мә Иса Мәсиһ бьн.

¹⁴Әԝи Хԝә бона мә да дәр, кӧ мә жь һʼәму нәһәԛийа хьлаз кә у паԛьж кә, бькә щьмәʼта Хԝәйә хирәткʼешед кьрьнед ԛәнщ.

¹⁵Ван тьшта һин кә, бь тʼәмамийа һʼӧкӧме хԝә дьл бьдә ԝан у ль ԝан һьле. Бьра тʼӧ кәс тә беһӧрмәт нәкә.