Read Пәймана Ну (Инщил) Ибрани 4 Bible Online

Ибрани 4 - Пәймана Ну (Инщил) bible

Ибрани 4

¹Аԝа әԝ созе кӧ бона кʼәтьна нава рʼьһʼәтийа Ԝи һе дьминә, ләма гәрәке әм һаш жь хԝә һәбьн, кӧ жь ԝә тʼӧ кәс жь ԝе рʼьһʼәтийе нәминә.

²Чьмки мәрʼа жи әԝ Мьзгини һатә дайине, чаԝа ԝанрʼа. Ле бәле әԝ Мьзгинийа кӧ ԝан бьһист кʼар нәда ԝан, чьмки әԝ йәк баԝәрийева гьре нәдан.

³Ле әм кӧ баԝәр дькьн, әме бькʼәвьнә ԝе рʼьһʼәтийе. Әв йәк аһа йә, чаԝа кӧ Хԝәде гот: «Аԝа Мьн жь һерса сонд хԝар гот: ‹Тʼӧ щар әԝе нәкʼәвьнә рʼьһʼәтийа Мьн!›»[24] Ле Әԝе кӧ әв йәк гот, шьхӧлед Ԝи жь ԝәхте әʼфьрандьна дьнйайеда хьлаз бьбун.

⁴Щики бона рʼожа һʼәфта аһа һатийә готьне: «У Хԝәде рʼожа һʼәфта жь һʼәму шьхӧлед Хԝә рʼьһʼәт бу»[25].

⁵У ль вьр диса дьбежә: «Тʼӧ щар әԝе нәкʼәвьнә рʼьһʼәтийа Мьн»[26].

⁶Аԝа һьнәке бькʼәвьнә ԝе рʼьһʼәтийе, ле әԝе кӧ пешда мьзгини бьһистьбун жь дәст нәбаԝәрийе[27] нәкʼәтьне.

⁷Бона ве йәке Хԝәде рʼожәкә дьн кʼьфш дькә у дьбежә «иро», пәй гәләк ԝәхтарʼа, чаԝа бь заре Даԝьд жор һатә готьне: «Иро һәгәр һун дәнге Ԝи бьбьһен, сәрһʼьшк нибьн»[28].

⁸Һәгәр Йешу рʼьһʼәти дабуйа ԝан, иди Хԝәде ԝе пәй ԝе йәкерʼа бона рʼожәкә дьн хәбәр нәда.

⁹Аԝа бона щьмәʼта Хԝәде һе рʼожәкә рʼьһʼәтийе мина рʼожа шәмийе һәйә.

¹⁰Бәле әԝе кӧ дькʼәвә рʼьһʼәтийа Хԝәде, әԝ иди жь шьхӧлед хԝә рʼьһʼәт дьбә, чаԝа Хԝәде жи жь шьхӧлед Хԝә[29].

¹¹Аԝа әм бькьн кӧ бькʼәвьнә ԝе рʼьһʼәтийе, ԝәки тʼӧ кәс мина нәбаԝәрийа[30] ԝан нәкʼәвә рʼожа ԝан.

¹²Хәбәра Хԝәде сах у зор ә у жь һәр шуре дӧдәви бьрʼатьр ә, кӧ дәрбази һʼәта навбәра рʼӧһʼ у щан, һәсту у мәжу дьбә, нет у фькьред дьла жи әʼнәнә дькә.

¹³У тʼӧ әʼфьрин жь Ԝи вәшарти нинә, ле һәр тьшт ль бәр чʼәʼве Ԝи вәкьри у ашкәрә йә, кӧ ль бәр Кʼижани әме һʼәсабе хԝә бьдьн.

¹⁴Аԝа кӧ Сәрәккʼаһинәки мәйи мәзьн һәйә, кӧ әʼзманарʼа дәрбаз буйә, Исайе Кӧрʼе Хԝәде, дә ԝәрьн әм ԝе баԝәрийа кӧ иԛрар дькьн ԛәԝин бьгьрьн.

¹⁵Сәрәккʼаһинәки мәйи ӧса тʼӧнә, кӧ бетʼаԛәтийед мәда дьле Ԝи сәр мә нәшәԝьтә, ле Әԝ жь һʼәму алийада щерʼьбанди йә мина мә, ле тʼәне бегӧнә.

¹⁶Дә иди әм меркʼими незики тʼәхте Хԝәдейи кʼәрәме бьн, ԝәки рʼәʼме бьстиньн у кʼәрәме бьбиньн кӧ гава әм һʼәԝщә бьн, аликʼарийа мә бькә.