Read Пәймана Ну (Инщил) Ибрани 8 Bible Online

Ибрани 8 - Пәймана Ну (Инщил) bible

Ибрани 8

¹Фькьра ԝан тьштед мә пешда готьн әв ә: Сәрәккʼаһинәки мәйи ӧса һәйә кӧ ль әʼзмана сәр тʼәхте мәзьнайийа Хԝәдейә рʼасте рʼуньштийә.

²Әԝ чаԝа сәрәккʼаһин пирозгәһеда бәрдәстийе дькә, аԝа готи ԝи коне рʼастда, кʼижан кӧ Хӧдан вәгьрт, нә кӧ мәрьва.

³Һәр сәрәккʼаһинәк бона ԛӧрбан у һʼәдидайине кʼьфшкьри йә, аԝа гәрәке тьштәки ви жи һәбуйа кӧ бьда.

⁴Һәгәр әва ль сәр дьне буйа, ԝе нәбуйа кʼаһин жи, чьмки һәнә кʼаһин кӧ анәгори Ԛануне һʼәдийа дьдьн.

⁵Әвана хьзмәткʼарийа хԝә пирозгәһеда дькьн, йа кӧ мина си у сурәте ԝан тьштед ль әʼзмен ә. Чаԝа Мусарʼа һатә әʼмьркьрьне, гава әԝи ԝе Коне Шәʼдәтийе вәгьрта, ԝирʼа һатә готьне: «Дина хԝә бьде, кӧ һәр тьшти ԝи щурʼәйи бьки, чаԝа сәре чʼийе мьн нишани тә кьр»[49].

⁶Ле рʼаст хьзмәткʼарикә һе бьльнд Исарʼа һатә дайине, чаԝа кӧ Әԝ навчетийе пәйманәкә һе ԛәнщ дькә, чьмки әв пәймана ль сәр созед һе ԛәнщ һʼимгьрти йә.

⁷Һәгәр пәймана пешьн бе кемаси буйа, иди йа дӧда ԝе һʼәԝщә нибуйа.

⁸Ле Хԝәде щьмәʼте нәһәԛ дькә у дьбежә: «Ва рʼоже бен, Хӧдан дьбежә, Әзе тʼәви мала Исраел у тʼәви мала Щьһуда пәйманәкә ну гьредьм,

⁹ле нә мина ԝе пәймана кӧ Мьн тʼәви кал-бавед ԝан гьреда, ԝе рʼожа кӧ Мьн дәсте ԝан гьрт, ԝәки жь Мьсьре дәрхьм. Әԝана нава пәймана Мьнда нәман, Мьн жи дәсте Хԝә жь ԝан кʼьшанд, Хӧдан дьбежә.

¹⁰Ле әв ә әԝ пәйман, йа кӧ Әзе тʼәви мала Исраел гьредьм, пәй ԝан рʼожарʼа, Хӧдан дьбежә: Әзе ԛанунед Хԝә бькьмә һʼьше ԝан у дьле ԝанда жи ԝан бьньвисьм у Әзе Хԝәдейе ԝан бьм, әԝе жи щьмәʼта Мьн бә.

¹¹Һьнге тʼӧ кәс ԝе һәвале хԝә йан бьрайе хԝә һин нәкә у нәбежә: ‹Хӧдан нас бькә›, чьмки һʼәму жи ԝе Мьн нас бькьн, жь бьчʼукед ԝан һʼәта мәзьна.

¹²Әзе нәһәԛийед ԝан бьбахшиньм у гӧнед ԝан жи иди бир нәйньм»[50].

¹³Гава Хԝәде бона пәйманәкә «ну» гот, йа пешьн кәвьн кьр у чь кӧ кәвьн у пир дьбә, бәр ӧндабуне йә.