Read Пәймана Ну (Инщил) Аԛуб 2 Bible Online

Аԛуб 2 - Пәймана Ну (Инщил) bible

Аԛуб 2

¹Хушк-бьрайед мьн! Һун кӧ баԝәрмәндед Хӧдане мә Иса Мәсиһе хԝәйирʼумәт ьн, фьрԛийе нәкьнә нава мәрьва.

²Мәсәлә, гава йәки гӧстила зерʼ тʼьлийеда у кʼьнщед рʼәԝш ԝәргьрти бе щьвина ԝә, ӧса жи йәки бәләнгаз бь кʼьнщед пʼьзьнива бе

³у һун дина хԝә бьдьнә йе хԝәйе кʼьнщед рʼәԝш у бежьне: «Кʼәрәм кә ве жоре рʼуне», ле йе бәләнгазрʼа бежьн: «Сәр пʼийа бьсәкьнә» йан жи «ве жере рʼуне»,

⁴гәло һун нава хԝәда фьрԛийе данайньн у набьнә һʼакьмед фькьред хьраб?

⁵Бьбьһен хушк-бьрайед мьнә дәлал! Нә Хԝәде бәләнгазед ве дьне бьжартьн, ԝәки бь баԝәрийе дәԝләти бьн у ԝаред ԝе Пʼадшатийе бьн, кʼижан кӧ Хԝәде ԝанрʼа соз дайә, йед кӧ Ԝи һʼьз дькьн?

⁶Ле һун бәләнгаза беһӧрмәт дькьн! Чьма әԝ йед дәԝләти ниньн, кӧ зоре ль ԝә дькьн у ԝә кʼаши бәр диԝане дькьн?

⁷Чьма әԝ ниньн, йед кӧ ԝи наве ԛәнщ беһӧрмәт дькьн, кʼижан сәр ԝә йә?

⁸Һәгәр һун ԛануна Пʼадшатийе бьԛәдиньн, ль гора ньвисара кӧ дьбежә: «Һәвале хԝә ԝәкә хԝә һʼьз бькә»[5], һун ԛәнщ дькьн.

⁹Ле һәгәр һун фьрԛийе дькьн, гӧна дькьн у һьндава Ԛанунеда дьбьнә йәки гӧнәкʼар.

¹⁰Әԝе кӧ тʼәмамийа Ԛануне хԝәй дькә, ле тьштәки же бәрʼдьдә, әԝ дьбә дәйндаре тʼәмамийа Ԛануне.

¹¹Чьмки Әԝе кӧ гот: «Зьнийе нәкә»[6] ӧса жи гот: «Нәкӧжә»[7]. Аԝа һәгәр зьнийе нәки, ле бькӧжи, диса Ԛануне дьтʼәрʼьбини.

¹²Хәбәрдан у кьрьнед хԝәда ӧса бьн, чаԝа йед диԝана ԝане бь ԝе ԛануне бьбә, йа кӧ азайийе дьдә.

¹³Чьмки бе рʼәʼм ԝе диԝана берʼәʼма бьбә, ле рʼәʼм ль бәр диԝане рʼуспи дькә[8].

¹⁴Чь фәйдә хушк-бьрайед мьн, һәгәр йәк бежә кӧ баԝәрийа ԝи һәйә, ле кьред ԝи тʼӧнәбьн? Гәло әва баԝәрийа дькарә ԝи хьлаз кә?

¹⁵Мәсәлә, һәгәр бьрак йан хушкәк сьтʼар ле тʼӧнәбә йан һʼәԝще нане рʼоже бә,

¹⁶жь ԝә йәк ԝанрʼа бежә: «Бь хер у сьламәт һәрʼьн, гәрм у тʼер бьн», ле тьштед кӧ әԝ һʼәԝщә бьн нәдә ԝан, чь фәйдә?

¹⁷Ӧса жи баԝәри, һәгәр кьред ԝе тʼӧнәбьн, бь тʼәне мьри йә.

¹⁸Ле йәке бежә: «Баԝәрийа тә һәйә, кьред мьн һәнә». Ле әзе бежьм: Кʼа баԝәрийа хԝә бе кьрьна нишани мьн кә, әзе жи баԝәрийе бь кьрьнед хԝәва нишани тә кьм.

¹⁹Тӧ баԝәр дьки, кӧ Хԝәде йәк ә. Ԛәнщ ә! щьн жи баԝәр дькьн у дьбьздьн.

²⁰Ле тӧ дьхԝази әв йәк бе избаткьрьне, мәрьве беһʼьш, ԝәки баԝәри бейи кьра мьри йә?

²¹Нә Бьраһиме баве мә бь кьра рʼаст һатә һʼәсабе, гава кӧрʼе хԝә Исһаԛ дани сәр горигәһе, кӧ бькә ԛӧрбан?[9]

²²Тӧ дьбини кӧ баԝәрийе тʼәви кьред ԝи йа хԝә кьр у бь ԝан кьра баԝәри кʼамьл бу?

²³У готьна ньвисаре һатә сери, кӧ дьбежә: «Бьраһим Хԝәде баԝәр кьр у әԝ жерʼа рʼасти һатә һʼәсабе»[10] у досте Хԝәде һатә готьне[11].

²⁴Һун дьбиньн кӧ мәрьв бь кьра рʼаст те һʼәсабе, нә кӧ тʼәне бь баԝәрийе?

²⁵Нә ӧса жи Рʼәхаба чʼәʼвдәр бь кьра рʼаст һатә һʼәсабе, гава щәʼсус ԛәбул кьрьн у әԝ рʼекә дьнва вәрʼекьрьн?[12]

²⁶Аԝа чаԝа ԛальб бе рʼӧһʼ мьри йә, ӧса жи баԝәри бейи кьра мьри йә.