Read Пәймана Ну (Инщил) Пәтрус I 3 Bible Online

Пәтрус I 3 - Пәймана Ну (Инщил) bible

Пәтрус I 3

¹Ӧса жи кʼӧлфәтно, гӧрʼа мере хԝәда бьн, ԝәки жь ԝан һьнәк жи, һәгәр гӧһдарийа хәбәре накьн, бь пʼәргалийа жьнед хԝә, бе готьн жи бенә сәр баԝәрийе[14]

²гава пʼәргалийа ԝәйә хофә у навә-намус бьбиньн.

³Бьра хәмьла ԝә дәрвава бь гӧливәгьртьне у тʼорʼед зерʼа, йан жи бь кʼьнща нибә[15],

⁴ле йа мәрьве һьндӧрʼе дьлда, рʼӧһʼәки мьлук у гьранә бәдәԝәтийа нәбәтал ә, кӧ ль бәр Хԝәде пʼьрʼ бь ԛимәт ә.

⁵Чьмки бәре бь ви тьһәри кʼӧлфәтед пирозә кӧ гӧмана хԝә данибунә сәр Хԝәде, хԝә дьхәмьландьн, хәмьла ԝан әԝ бу кӧ гӧрʼа мере хԝә бькьрана,

⁶мина Сәрайе кӧ гӧрʼа Бьраһимда бу у дьготә ԝи: «Хԝәйе мьн». Иди һун ԛизед ԝе дейе нә, һәгәр һун хԝә ль ԛәнщийе дьгьрьн у жь тʼӧ тьшти натьрсьн.

⁷Ӧса жи мерно, бь фәʼмдарийе әʼмьре хԝә тʼәви жьнед хԝә дәрбаз кьн, чаԝа ԛьсьме сьст ԛәдьре ԝан бьгьрьн, ӧса жи чаԝа һәвалԝаре ԝе жийина кӧ һуне пʼешкʼеш бьстиньн, ԝәки тʼӧ тьшт нәбьнә байисе дӧайед ԝә[16].

⁸Һәйнәсәр һʼәму жи сәр нетәке бьн, сәр һәв шәԝат бьн, һәв һʼьз бькьн, рʼәʼм у шкәсти бьн.

⁹Жь бәр хьрабийева хьрабийе нәкьн, йан жь бәр беһӧрмәткьрьнева беһӧрмәткьрьне, ле жь бәр ванва дӧа-дьрозга ль ԝан бькьн, чьмки һун ве йәкерʼа һатьнә газикьрьне, ԝәки дӧа-дьрозге создайи сәр ԝәда бе.

¹⁰Чьмки ньвисар ә: «Кʼи жийине бәгәм дькә у дьхԝазә рʼожед хԝәш бьбинә, бьра зьмане хԝә жь хьрабийе хԝәй кә у заре хԝә жи жь һʼьләкʼарийе.

¹¹Бьра жь хьрабийе вәгәрʼә, ԛәнщийе бькә у әʼдьлайийе бьгәрʼә, ль пәй ԝе һәрʼә.

¹²Чьмки чʼәʼве Хӧдан ль сәр рʼаста йә у гӧһе Ԝи сәр дӧайе ԝан ә, ле Хӧдан мьԛабьли ԝан ә, йед кӧ хьрабийе дькьн».[17]

¹³Кʼи ԝе хьрабийе ль ԝә бькә, һәгәр һун дәмана ԛәнщикьрьнеда бьн?

¹⁴Ле һәгәр һун бона рʼастикьрьне щәфе жи бьбиньн, һунә хԝәзьли нә! Иди жь мәрьва нәтьрсьн у хԝә ӧнда нәкьн[18].

¹⁵Ле бәле Мәсиһ чаԝа Хӧдане пироз дьле хԝәда бьльнд бьгьрьн. Һәр гав һазьр бьн, щаба ԝан һʼәмуйа бьдьн, йед кӧ бона ԝе гӧмана нава ԝәда дьпьрсьн. Ле ԝе йәке бь хоф у мьлуктийе бькьн[19],

¹⁶хԝәйе исафа рʼьһʼәт бьн, ԝәки, гава һун бенә рʼәзилкьрьне, йед кӧ пʼәргалийа ԝәйә ԛәнщә тʼәви Мәсиһ беһӧрмәт дькьн, шәрми бьн.

¹⁷Һе ԛәнщ ә, һәгәр ԛьрара Хԝәде йә, әм бона ԛәнщийе щәфе бькʼьшиньн, нә кӧ бона хьрабийе.

¹⁸Чьмки Мәсиһ щарәке бона һәр тʼьм бона гӧна щәфа кʼьшанд[20], Йе һәԛ бона нәһәԛа, ԝәки мә незики Хԝәде кә. Әԝ алийе бәдәнида һатә кӧштьне, ле алийе рʼӧһʼанида жийинерʼа һатә вәгәрʼандьне.

¹⁹Бь рʼӧһʼани чу нава ԝан рʼӧһʼед кәледа даннасин кьр,

²⁰йед кӧ ԝәхтәке нә гӧһдар бун, гава Хԝәде бь думька дьреж сәбьр дькьр, ԝи зәмане Нӧһда, гава гәми дьһатә чекьрьне. Ԝеда һьндьк, аԝа готи һʼәйшт нәфс «нава аведа» хьлаз бун[21].

²¹Әԝ ав сурәте ньхӧмандьне бу, кʼижан ньһа ԝә хьлаз дькә. Әԝ ньхӧмандьн нә кӧ ԝә жь ԛьлера бәдәне дьшо, ле жь исафа рʼьһʼәт шәʼдәтик ә ль бәр Хԝәде[22]. Әԝ йәк бь рʼабуна Иса Мәсиһә жь мьрийа ԝә хьлаз дькә,

²²Йе кӧ чуйә әʼзмен, ль мьле Хԝәдейи рʼасте йә у мьлйакʼәт, һʼӧкӧмәт у ԛӧдрәтед рʼӧһʼани бьн гӧрʼа Ԝида нә.