Read Пәймана Ну (Инщил) Йуһʼәнна I 5 Bible Online

Йуһʼәнна I 5 - Пәймана Ну (Инщил) bible

Йуһʼәнна I 5

¹Һәр кәсе кӧ баԝәр дькә, Иса, Мәсиһ ә, әԝ жь Хԝәде буйә у һәр кәсе кӧ Баве һʼьз дькә, әԝ зарʼа Ԝи жи һʼьз дькә.

²Бь ве йәке әм заньн кӧ әм зарʼед Хԝәде һʼьз дькьн, гава әм Хԝәде һʼьз дькьн у тʼәмийед Ԝи дьԛәдиньн.

³Чьмки бь ве йәке әм һʼьзкьрьна хԝә һьндава Хԝәдеда дьдьнә кʼьфше, гава әм тʼәмийед Ԝи хԝәй дькьн. У тʼәмийед Ԝи нә гьран ьн[16],

⁴чьмки һәр кәсе кӧ жь Хԝәде буйә, дьнйайе бьндәст дькә. У бь ви аԝайи әм дьнйайе бьндәст дькьн, аԝа готи бь баԝәрийа хԝә.

⁵У әԝ кʼи йә, йе дьнйайе бьндәст дькә, пештьри әԝе кӧ баԝәр дькә, кӧ Иса Кӧрʼе Хԝәде йә.

⁶Әва йә, йе кӧ бь хун у аве һат, Иса Мәсиһ[17], нә кӧ тʼәне бь аве, ле бь хун у аве. У Рʼӧһʼ ә, йе кӧ шәʼдәтийе дьдә, чьмки Рʼӧһʼ рʼасти йә.

⁷Чьмки әв һәрсек ьн, кӧ шәʼдәтийе дьдьн:

⁸Рʼӧһʼ, ав у хун. У шәʼдәтийа ван һәрсека йәк ә[18].

⁹Һәгәр әм шәʼдәтийа мәрьва ԛәбул дькьн, шәʼдәтийа Хԝәде һе зедә йә, чьмки әва шәʼдәтийа Хԝәде йә, кӧ бона Кӧрʼе Хԝә шәʼдәти да.

¹⁰Йе кӧ баԝәрийа хԝә Кӧрʼе Хԝәде тинә, нава ԝида әв шәʼдәти һәйә. Йе кӧ баԝәрийа хԝә Хԝәде найнә, әԝ Хԝәде дәрәԝ дәрдьхә, чьмки баԝәрийа хԝә ԝе шәʼдәтийе найнә, йа кӧ Хԝәде бона Кӧрʼе Хԝә шәʼдәти да.

¹¹У әв ә шәʼдәти, кӧ Хԝәде жийина һʼәта-һʼәтайе да мә у әв жийин нава Кӧрʼе Ԝида йә[19].

¹²Кӧрʼ дьле кʼеда йә, жийина ԝи һәйә, ле Кӧрʼе Хԝәде дьле кʼеда тʼӧнә, жийина ԝи тʼӧнә.

¹³Әз ван тьшта ԝәрʼа дьньвисьм, йед кӧ баԝәрийа хԝә наве Кӧрʼе Хԝәде тиньн, ԝәки һун бьзаньбьн жийина ԝәйә һʼәта-һʼәтайе һәйә.

¹⁴Әм ль бәр Хԝәде рʼусьпи нә, чьмки әм заньн, һәгәр әм тьштәки ль гора хԝәстьна Ԝи же бьхԝазьн, Әԝ дәнге мә дьбьһе.

¹⁵У һәгәр әм заньн кӧ әԝ һәр тьштед кӧ әм же дьхԝазьн дьбьһе, ӧса жи әм заньн чь кӧ әм же дьхԝазьн, әме бьстиньн.

¹⁶Һәгәр йәк бьбинә кӧ бьре ԝи гӧнәк кьрийә, ле набә бәрбь мьрьне[20], бьра бона ԝи дӧа бькә у Хԝәде ԝе жийине бьдә ԝи. Әз ве йәке һьндава ԝанда дьбежьм, кʼижанед кӧ гӧне бәрбь мьрьне накьн. Гӧнә һәйә кӧ дьбә бәрбь мьрьне. Әз набежьм, кӧ бона ве йәке дӧа бькьн.

¹⁷Һʼәму нәһәԛи гӧнә йә, ле гӧнә һәйә кӧ набә бәрбь мьрьне.

¹⁸Әм заньн һәр зарʼәкә Хԝәде нав гӧнада наминә, ле Ньхӧрийе Хԝәде ԝи хԝәй дькә у йе Хьраб незики ԝи набә.

¹⁹Әм заньн кӧ әм жь Хԝәде нә у тʼәмамийа дьнйайе бьн һʼӧкӧме йе Хьрабда йә.

²⁰Ле әм ӧса жи заньн кӧ Кӧрʼе Хԝәде һат у фәʼм да мә, ԝәки әм Йе Рʼаст нас бькьн. Бәле әм нава Йе Рʼастда нә, чьмки әм нава Кӧрʼе Ԝи Иса Мәсиһда нә. Әв ә Хԝәдейе рʼаст у жийина һʼәта-һʼәтайе.

²¹Зарʼокно, хԝә жь пʼутпʼарьстийе хԝәй кьн.