Read Пәймана Ну (Инщил) Йуһʼәнна II 1 Bible Online

Йуһʼәнна II 1 - Пәймана Ну (Инщил) bible

Йуһʼәнна II 1

¹Жь бәрпьрсийаре щьвине, Ханьма бьжарти у зарʼед ԝерʼа, кʼижана кӧ әз бь рʼастийе һʼьз дькьм, нә кӧ тʼәне әз, ле әԝ һʼәму жи, йед кӧ рʼастийе нас дькьн,

²чьмки әԝ рʼасти нава мәда дьминә у һʼәта-һʼәтайе ԝе тʼәви мә бә.

³Дә бьра рʼәʼм, кʼәрәм у әʼдьлайи жь Бав Хԝәде у Иса Мәсиһе[1] Кӧрʼе Баве, бь рʼастийе у һʼьзкьрьн мәрʼа[2] бә.

⁴Әз пʼьрʼ ша бум, кӧ мьн жь зарʼед тә һьнәк дитьн, йед кӧ нава рʼастийеда дьжин, ль гора ԝе тʼәмийа кӧ мә жь Баве стандийә.

⁵Ньһа әз һиви жь тә дькьм, Ханьме, әз тʼәмикә ну тәрʼа наньвисьм, ле йа кӧ бәре пешда ль мә һәбу, кӧ әм һʼәму һәвдӧ һʼьз бькьн[3].

⁶Һʼьзкьрьн әв ә, кӧ әм ль гора тʼәмийед Ԝи бьжин. Тʼәми әԝ ә, йа кӧ ԝә һе бәре пешда бьһистийә, ԝәки һун һʼьзкьрьнеда бьжин[4].

⁷Гәләкед кӧ хәлԛе жь рʼе дәрдьхьн һатьнә дьне, әԝ Иса Мәсиһ бь хун у гошт һати иԛрар накьн. Йед аһа хәлԛе жь рʼе дәрдьхьн у әкʼсимәсиһ ьн.

⁸Һун һаш жь хԝә һәбьн, ԝәки һун кʼәда хԝә[5] ӧнда нәкьн, ле һәԛе хԝә тʼәмам бьстиньн[6].

⁹Һәр кәсе кӧ хԝә пешда давежә у нава һинкьрьна Мәсиһда наминә, Хԝәдейе ԝи тʼӧнә. Йе кӧ нава һинкьрьна Мәсиһда дьминә, бона ԝи Бав жи һәйә, Кӧрʼ жи һәйә.

¹⁰Һәгәр йәк бе щәм ԝә у ве һинкьрьне нәйнә, һун ԝи ԛәбул нәкьнә малед хԝә у сьлаве нәдьнә ԝи.

¹¹Чьмки кʼи сьлаве бьдә ԝи, әԝ тʼәви кьред ԝийә хьраб дьбә.

¹²Гәләк тьштед мьнә ньвисаре ԝәрʼа һәнә, ле мьн нәхԝәст сәр кʼахазе бь һʼӧбьре бьньвисьм, чьмки гӧмана мьн һәйә әзе хԝәха бемә щәм ԝә у рʼу бь рʼу тʼәви ԝә хәбәр дьм, ԝәки әшԛа мә тʼәмам бә.

¹³Зарʼед хушка тәйә бьжарти ль тә сьлав дькьн.