Read Пәймана Ну (Инщил) Йуһʼәнна III 1 Bible Online

Йуһʼәнна III 1 - Пәймана Ну (Инщил) bible

Йуһʼәнна III 1

¹Жь бәрпьрсийаре щьвине, Гайосе дәлалрʼа, кʼижани кӧ әз бь рʼастийе һʼьз дькьм.

²Дәлало, әз дӧа дькьм, кӧ һʼәму алийава чәрха тә ӧса рʼаст бә у сьһʼәт-ԛәԝат би, чаԝа мьнва әʼйан ә кӧ рʼӧһʼе тә сьламәтийеда йә.

³Әз гәләки ша бум, чахе чәнд бьра һатьн у шәʼдәти дан, кӧ тӧ нава рʼастийеда амьн и, чаԝа тә пешда рʼастийеда дьжит жи.

⁴Шабуна мьнә жь ве мәстьр тʼӧнә, чахе дьбьһем кӧ зарʼед мьн нава рʼастийеда дьжин.

⁵Дәлало, тӧ шьхӧле хԝәда амьн и, чь кӧ бона бьра дьки, һʼәта кӧ йед нәнасрʼа жи.

⁶Ԝана шәʼдәтийа һʼьзкьрьна тә бәр щьвина вьр да. Те тьштәки ԛәнщ бьки, һәгәр тӧ ԝан ӧса вәрʼеки чаԝа кӧ ль Хԝәде хԝәш те.

⁷Чьмки әԝана бона наве Мәсиһ кʼәтьнә рʼе у тʼӧ тьшт жь нәбаԝәра нәстандьнә.

⁸Аԝа әм гәрәке йед ӧса ԛәбул кьн, кӧ әм тʼәви шьхӧле рʼастийе бьн.

⁹Мьн щьвинерʼа ньвиси, ле Дийотрәфис кӧ һʼьз дькә сәр һʼәмуйарʼа бә, гӧһ надә мә.

¹⁰Бона ве йәке гава әз бем, әзе кьред ԝи гьли кьм, кӧ чаԝа давежә мә, хәйба мә дькә. Бь ве йәке жи рʼази набә, нә кӧ тʼәне бьра ԛәбул накә, ле йед кӧ дьхԝазьн бьра ԛәбул кьн, бәр ԝан рʼадьбә у ԝан жь щьвине жи дәрдьхә!

¹¹Дәлало, чʼәʼв нәдә хьрабийе, ле ԛәнщийе. Әԝе кӧ ԛәнщийе дькә, жь Хԝәде йә, ле әԝе кӧ хьрабийе дькә, әԝи Хԝәде нәдитийә.

¹²Бона Димитрийо һʼәму жи шәʼдәтийа ԛәнщ дьдьн, һʼәта кӧ рʼасти жи. Әм жи шәʼдәтийе дьдьн у тӧ зани кӧ шәʼдәтийа мә рʼаст ә.

¹³Гәләк тьштед мьнә ньвисаре тәрʼа һәбун, ле мьн нәхԝәст сәр кʼахазе бь һʼӧбьре бьньвисьм.

¹⁴Чьмки әз бь ԝе гӧмане мә, кӧ әзе зутьрәке тә бьбиньм у әме рʼу бь рʼу хәбәр дьн.

¹⁵Әʼдьлайи ль тә бә. Һәвал-һогьр сьлава ль тә дькьн. Сьлава йәк-йәк һʼәму һәвал-һогьра бькә.