Read LAYIDUKURA YIRALI 7 Bible Online

YIRALI 7 - LAYIDUKURA bible

YIRALI 7

¹O kɔ, n ye mɛlɛkɛ naani ye. U lɔnin bɛ kelen kelen dugukolo faan naani la. Olu tun ye fɔnyɔ siri ka lɔ waasa fɔnyɔ kana fiyɛ dugukolo kan, ni kɔgɔji kan, ani yiriw kan. [12]

²N ye mɛlɛkɛ wɛrɛ bɔtɔ ye kɔrɔn fɛ. Ala ka taamasinyɛ tun b'a bolo. See tun dira mɛlɛkɛ naani minw ma k'u ka dugukolo ni kɔgɔji halaki, ale mɛlɛkɛ nin pɛrɛnna k'a fɔ olu ye ko:

³“Aw kana dugukolo ni kɔgɔji, ani yiriw halaki fɔlɔ. Mɔgɔ minw bɛ an ka Ala sago kɛ, aw k'a to an b'a ka taamasinyɛ kɛ olu teen na fɔlɔ.”

⁴Taamasinyɛ kɛra minw teen na, ne y'olu daa mɛn. U tun ye mɔgɔ waa kɛmɛ ni bi naani ni naani ye. U bɔra Isirayɛlidenw ka kɔmɔgw bɛɛ la.

⁵Zuda ka komɔgɔw tun ye waa tan ni fila ye. Urubɛn ka komɔgɔw tun ye waa tan ni fila ye. Gadi ka komɔgɔw tun ye waa tan ni fila ye.

⁶Azɛri ka komɔgɔw tun ye waa tan ni fila ye. Nɛfutali ka komɔgɔw tun ye waa tan ni fila ye. Manase ka komɔgɔw tun ye waa tan ni fila ye.

⁷Simiyɔn ka komɔgɔw tun ye waa tan ni fila ye. Levi ka komɔgɔw tun ye waa tan ni fila ye. Isakari ka komɔgɔw tun ye waa tan ni fila ye.

⁸Zabulɔn ka komɔgɔw tun ye waa tan ni fila ye. Yusufu ka komɔgɔw tun ye waa tan ni fila ye. Bɛnzamɛn ka komɔgɔw ta tun ye waa tan ni fila ye.

⁹O tɛmɛnin kɔ, ne ko n bɛ filɛli kɛ tugu, ne ye jamaba dɔ ye, mɔgɔ si tɛ se ka minw jati k'u daa lɔn. Jamanaw bɛɛ mɔgɔw tun b'a la, ni siya bɛɛ. U lɔnin tun bɛ masasigilan ni Sagaden nyafɛ. Fanigwɛ tun b'u kaan na, ka tenfuraburu minɛ u bolo la.

¹⁰U tun bɛ to k'u kaan kɔrɔ ta k'a fɔ ko: “An ka Ala min bɛ masasigilan kan, anw kisira ale ni Sagaden sababu la.”

¹¹Mɛlɛkɛ minw bɛɛ tun bɛ masasigilan lamini na, ni cɛkɔrɔba nunu, ani nimanfɛn naani nunu bɛɛ y'u kunbiri gwan masasigilan nyafɛ ka Ala bato,

¹²ka to k'a fɔ ko: “Amiina! Tandoli, nɔɔrɔ, ani hakilitigiya, o y'an ka Ala ta ye. Barika ka la a ye. Bonya ni setigiya ani fangatigiya y'a ta ye tuma bɛɛ la. Amiina!”

¹³O kɔ, cɛkɔrɔba nunu kelen ye ne nyininga ko: “Fani gwɛman bɛ minw kaan na, jonw lo? U bɔra min?”

¹⁴N y'a jaabi ko: “E le b'o lɔn matigi.” A ko ne ma: “Minw bɔra tɔɔrɔba nin na, n'u y'u ka faniw ko ka gwɛ Sagaden joli la, olu lo.

¹⁵O kama, u lɔnin bɛ Ala ka masasigilan nyafɛ ka to k'a bato a ka soo kɔnɔ suu ni tile. Ayiwa, min siginin bɛ masasigilan kan, ale bɛna u tanga.

¹⁶Kɔngɔ ni minnɔgɔ tɛna u minɛ tugu, tile tɛna u jɛni, funteni fana tɛna u tɔɔrɔ tugu.

¹⁷Bari Sagaden min bɛ masa sigiyɔrɔ cɛmancɛ la, ale le bɛna kɛ u dɛndɛbaga ye. A bɛna taa n'u ye jii nyanaman yɔrɔw la, u bɛ min. Ala bɛna u nyaji bɛɛ cɛ.”